Monetalar kazcoins.nationalbank.kz platformasynda Ulttyq banktiń ınternet-dúkeni arqyly satylady.
M.KENBAEV «ÁŃGIME» monetalarynyń sıpattamasyna keler bolsaq, moneta dızaınynda Qazaq KSR-niń eńbek sińirgen óner qaıratkeri, Qazaqstannyń halyq sýretshisi, pedagog ári professor M.Kenbaevtyń «Áńgime» kartınasyndaǵy fragment beınelengen. Materıaldardy Á.Qasteev atyndaǵy Memlekettik óner mýzeıi usyndy.
Moneta aversiniń ortalyq bóliginde Qazaqstan Respýblıkasynyń Memlekettik Eltańbasy beınelengen, al jaqtaýynda «QAZAQSTAN RESPÝBLIKASY RESPÝBLIKA KAZAHSTAN» degen jazý bar. Tómengi bóliginde monetanyń nomınaly, soǵylǵan jyly, moneta jasalǵan metaldyń salmaǵy men synamasy jazylǵan. Joǵarǵy bóliginde «M.KENBAEV «ÁŃGIME» (1958)» degen jazý men Ulttyq banktiń taýar belgisi (logotıpi) basylǵan.
Monetanyń reversinde sýretshi M.Kenbaevtyń «Áńgime» kartınasyndaǵy fragment beınelengen. Kompozısııa túrli-tústi baspa tehnologııasymen jasalǵan. Monetalar 925/1000 synamaly kúmisten turady. Salmaǵy – 31,1 gramm, sapasy – proof 500 teńgelik nomınalmen 1 500 danasy jasaldy.
