Yryskeldi qajy meshitiniń mańyndaǵy Esil ózeniniń jaǵalaýyn jınaý kezinde volonterlerdi úılestirýshilerdiń biri salmaǵy 2-3 kg bolatyn kúmándi paket tapty.
«Volonter dereý polısııa departamentiniń qyzmetkerlerine habar berdi. Osydan keıin tabylǵan zattyń ishinde ne baryn anyqtaý úshin quqyq qorǵaý organdaryna tapsyryldy. Ekologııalyq aksııanyń paıdasy qorshaǵan ortany tazalaýmen ǵana emes, adam ómirine zııany tııýi múmkin osyndaı zattardy tabýmen de mańyzdy. Elordamyzdyń volonterleri nashaqorlyqtyń kez kelgen túrine múldem tózbeýshilik mádenıetin nasıhattap júrgeni qýantady. Biz elordalyq jastardyń bárin osyǵan shaqyramyz», dep atap ótti qalanyń jastar saıasaty máseleleri basqarmasynyń basshysy Qaırat Qambarov.
Ákimdik senbilikterge belsendi qatysqan qala turǵyndary men qonaqtaryn kúdikti zattar tabylǵan jaǵdaıda dereý polısııa organdaryna habarlaýǵa shaqyrady.
