Aımaqtar • 18 Sáýir, 2022

Túrkistanda Aqtóbe oblysynyń kúnderi ótti

55 ret kórsetildi

Sáýirdiń 14-15 kúnderi Túrkistan qalasynda Aqtóbe ob­lysynyń mádenı kúnderi ótti. «Rýhanı jań­ǵyrý» baǵdar­lamasynyń besjyldyǵyna arnalyp uıymdas­tyrylǵan osy is-sharada jergilikti turǵyndar Aqtóbe oblysynyń etnografııalyq kórmesin, dástúrli oryn­daýshylardyń jyr-termelerin tamashalap, oblystyq-tarıhı ólketaný mýzeı qoryna ár kezeńde jınaqtalǵan sırek eksponattarymen tanysty. Qalanyń Ekobazar aýmaǵynda aýyl sharýashylyǵy ónimderi jármeńkesi ótip, oǵan aqtóbelik sharýalardyń qolynan shyqqan et-sút ónimderi, kókónister men kondıterlik taǵamdar usynyldy.

Farab kitaphanasynda eki óńirdiń aqyn-jazýshylary oqyrmandarmen júzdesip, tarıhy tereń Aqtóbe planetarııiniń sıfrlandyrylǵan júıedegi juldyzdy álem kartasy tanystyryldy. Bul kúnderi túrkistandyqtar etnoaýyldy da tamashalady. Ortaǵasyrlyq úlgide jasaqtalǵan kıiz úıde aqtóbelik qoldanbaly óner sheberleriniń kórmesi ótti. Ertedegi qazaq sheberleriniń dástúrin jańǵyrtyp, mal terisi men súıegi, júninen túr­li buıym jasap, halyq­ara­lyq etnografııalyq kór­me­ler­ge qatysa júrip, tájirı­be jınaqtaǵan qolóner­shiler kıiz­úı ishinde sheberlik sabaqtaryn uıymdastyrdy. Aıta ketý ke­rek, sońǵy 5-6 jyl­dyqta aq­tóbelik qolónershiler qa­zaq­tyń eski úlgisimen teri ıleý, jum­sartý, boıaý tehnologııasyn táp-táýir meńgerip, túrli úlgidegi turmystyq buıymdar, qamshy, er-turman ábzelderin jasap, jurtshylyqqa usynyp júr.

Karavansaray Turkistan týrıstik kesheninde aqtóbelik ánshilerdiń «Altyn aımaq – Aq­tóbe» konserttik baǵdar­la­masy ótti. Túrkistan mý­zy­kalyq drama teatrynda bal­dyrǵandar «Alaqaı» qýyr­­shaq teatrynyń «Jadyra, jaı­na dostar!» qoıylymyn tama­­shalasa, ere­sekter Ǵazıza Jubanova atyndaǵy oblystyq fılar­monııa ujymy usynǵan I.Saparbaıdyń «Syǵan serenadasy» mýzykalyq spek­taklin, Altyn Orda memle­ketiniń 750 jyldyǵyna arnalǵan «Er Edi­ge» tarıhı dramasyn tamashala­dy.

Qasıetti Ramazan aıynda er túriktiń besigi – Túrkistan qa­la­synda ótken Aqtóbe obly­sy­nyń kúnderi «Sálem, Túrkis­tan!» gala-konsertimen aıaq­taldy.

 

Aqtóbe oblysy

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar