Kollajdy jasaǵan Záýresh SMAǴUL, «EQ»
Jańa júıeniń basty tıimdiligi – turǵyndarǵa aqsha túsimin jáne qarajattyń jumsalýyn baqylaýǵa múmkindik beredi. Eger buryn PIK, KT, PITK, JShS jáne taǵy basqa basqarý organdary birneshe úıdi basqaryp, barlyq úıge bir shot ustasa, endi ár úıdiń jeke shoty bolady. Múlik ıeleriniń birlestigi – zańdy tulǵa. Ony basqaratyn tóraǵa menshik ıeleri qatarynan bir jylǵa saılanady. Bul rette, shtatta aýla sypyrýshylar, elektrıkter, santehnıkter sııaqty qyzmetkerler bolmaıdy. Bulardyń qyzmetin shart boıynsha servıstik qyzmet kórsetetin uıymdar oryndaıdy. Jańa basqarý nysanyna óte otyryp menshik ıeleri ózine tıesili páter aýyrtpalyǵyn kóteredi, turǵyn emes úı-jaıdyń, sondaı-aq kondomınıým nysanynyń ortaq múlkine jaýapkershilikti óz moınyna alady. Osyǵan baılanysty MIB tóraǵasy qarapaıym seriktestiktiń senim bildirgen adamy ekinshi deńgeıli bankterde aǵymdaǵy jáne jınaq shottaryn ashady.
Qarapaıym seriktestik – zańdy tulǵa bolmaı-aq barlyq menshik ıelerimen tikeleı birlesip basqarý formasy. Mundaı júıe 2-3 qabatty turǵyn úılerdi qonystanǵan 10-15 shaqty páter ıelerine tıimdi bolmaq. «PIK-tiń taǵdyry ne bolmaq» degen saýal týyndaýy zańdylyq. «Bes qarýyn» saılaǵan, santehnık sııaqty birneshe qyzmetkeri bar áleýetti PIK-ter servıstik qyzmet kórsetýge nıetti. Al usaq PIK-ter óz jumysyn toqtatýǵa májbúr.
Oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Erjan Salhanovtyń málimetinshe, búginde oblysta 1 471 úı «jańa ómir» bastaǵan. Onyń 108-i MIB, qalǵany qarapaıym seriktestik retinde tirkelipti.
– Turǵyndarǵa jańa júıeni túsindirý jumystary eshqashan toqtaǵan emes. Karantın ýaqytynda retin taýyp, onlaın formatta kezdesýler uıymdastyryp turdyq. О́kinishke qaraı, jańa jobaǵa atústi qaraıtyndar kóp. Páter ıelerine ujymdyq jaýapkershilik jetispeıdi. Kóbi jekemenshik múliktiń jón-josyǵyn túsine bermeıdi. «Ákimdik jóndeýge tıis» dep qoldy silteıtinder de bar. Zań qabyldandy. Shekti ýaqyt bar. Sondyqtan da páter ıelerine jańa júıege kóshýge erte qamdana bastaǵan jón, – deıdi E.Salhanov.
Karantındik shekteýler bolmasa da, turǵyndardyń jańa júıege aıaq basýy ekitalaı sııaqty. Túsindirý jumystarynyń júıeli júrgizilmeýinen be, áıteýir MIB-ke bas aýyrtyp júrgender az. Kóbine zeınetkerler qaýymy qyzyǵýshylyq tanytyp, kóshti órge súıreýde. MIB-ke ótken oblys ortalyǵyndaǵy Tkachev kóshesi, 18-úıdiń tóraǵasy Dýlat Saıdahmetovtiń aıtýynsha, jańa júıeniń tıimdiligi mol.
– Eń qıyny, adamdardy jınap, túsindirý. Osy oraıda, áýeli turǵyndar arasynda saýaldama júrgizildi. Onda úıdiń tóraǵasy, keńes músheleri jáne revızııalyq top quramy kórsetilip, ashyq daýysqa saldyq. Barlyǵy derlik oń qabaq tanytyp, tıisti qujattardy jedel rettedik. Jańashyldyqtan utarymyz kóp. Buǵan deıin PIK-ter birneshe úıge qyzmet kórsetip, bizdiń aqshamyz ózge úıdiń jóndeý jumystaryna jumsalyp kelgen-di. Endigi jerde eki esepshot ashylyp, qarajattyń qaıda baǵyttalatynyn baqylap otyrýǵa múmkindik bar. Birinshi esepshotta qyzmet kórsetýshi uıymǵa, ekinshisinde úıimizdi jóndeý maqsa-
tyndaǵy qarajat jınaqtalady. MIB-ke ótkennen keıin turǵyndar ortaq múlikke jaýapkershilikpen qaraı bastady. Ázirge aýyz toltyryp aıtarlyqtaı ózgeris boldy dep aıta almaımyn. Biraq aldaǵy ýaqytta jańa júıe tıimdiligin kórsetedi degen senimdemiz, – deıdi D.Saıdahmetov.
Qala turǵyny Aıtjamal Nazarova PIK-ten MIB-ke aýysqanda tarıftiń ózgermeýi mańyzdy ekenin aıtty.
– Tarıf ósetinin estigen keıbir jurt MIB-tiń qurylýyna qarsy. Birinshi kezekte azǵantaı zeınetaqyǵa kúneltip otyrǵan zeınetkerler qaýymynyń kóńilinen shyǵyp otyrǵan joq. Eger PIK-pen qosh aıtyssaq, servıstik uıymdardyń qyzmeti qymbatqa túsetini túsinikti. Qazir santehnıktiń qyzmetiniń ózi 5 myń teńgeden kem emes. Sol sebepti kóbine zeınetkerler PIK-pen dos bolýǵa yntaly. PIK qyzmetine aı saıyn tólemaqyny ýaqtyly bermeı otyrǵan turǵyndardyń ózi tarıf baǵasy ósse, múldem at-tonyn ala qashatynyn boljaý qıyn emes. Qazirgi ýaqytta turǵyn úıdi basqarý sııaqty jaýapkershilikti eshkim moınyna alǵysy kelmeıdi. Mundaı ózgeriske páter ıeleri daıyn emes. Sondyqtan da arbany da syndyrmaıtyn, ógizdi de óltirmeıtin, barlyq tarapqa tıimdi júıe engizilse eken, – deıdi shahar turǵyny.
Qoryta aıtsaq, bul iske jaýapty mekemeler júıeniń artyqshylyǵyn alǵa tartqanymen, páter ıeleri ázirge belsendilik tanyta qoıǵan joq. Kóbi lıft sııaqty ortaq múlikti áli kúnge deıin ákimdiktiń dúnıesi dep oılaıdy. Úıdiń shatyryn jóndeý, ishki qubyrlardy retteý qajet bolsa, keıbir turǵyndar ortaq sharýadan qalys qalatyny ras. Kóp qabatty turǵyn úılerdegi páter ıeleriniń basty máselesi – osy. Ne desek te, jyldar boıy bálenbaı úıdi qaramaǵyna alyp, jınalǵan qarajatty durys jarytpaǵan PIK-pen qosh aıtysatyn ýaqyt kelgen sııaqty...
PAVLODAR
