Salymshylar kepildi ótem alady

Taratylatyn segiz banktiń sa­lymshylary ózderine tıesili ótem aqshalardy sońǵy kúnin qosa alǵanda 2022 jyldyń 1 m­a­my­­ryna deıin ala alady. Bul «Valıýt-Tranzıt Bank» AQ, «Qazınvestbank» AQ, «Delta Bank» AQ, «Eksımbank Qazaq­stan» AQ, «Qazaq Banki» AQ, «Astana Banki» AQ, «Tengri Bank» AQ jáne «AsiaCredit Bank» AQ salymshylary. «Capital Bank Kazakhstan» AQ lısenzııasynan ke­ıinirek aıyrylǵandyqtan, onyń salymshylarynyń kepildik be­rilgen ótemdi sońǵy kúnin qosa alǵanda bıylǵy jyldyń 3 shil­de­sine deıin alýǵa múm­kin­dik­te­ri bar.

О́tem alýǵa ótinishti dástúrli tá­silmen nemese Tólem­der­diń elek­tron­dy portaly (TEP) arqyly onlaın bere alasyz. Onda tólenýge qoljetimdi somany tekserýge jáne ótinishtiń oryndalý barysyn qa­da­­ǵalaýǵa bolady. Sonymen qatar salymshylar lısen­zııasynan aıyrylǵan banktiń salymshylaryna ótem tóleýge ta­ǵaıyndalǵan agent bankter ar­qyly da óti­nish bere alady. Ke­pil­dik berilgen ótemdi tóleıtin agent bankterdiń bólimsheleri týraly aqparatpen olardyń saıttary arqyly tanysyp shyǵýǵa múm­kin­dik bar.

Tólem merzimi aıaqtalǵan soń, talap etilmegen ótem somalary sa­­lymshylardyń BJZQ-da ashyl­ǵan, erikti zeınetaqy jarna­la­ryn esepke alýǵa arnalǵan jeke zeı­netaqy shottaryna aýda­ry­la­dy. Bul sharany qor «Qazaq­stan Respýblıkasynyń ekinshi deń­geıdegi bankterinde ornalas­ty­rylǵan depozıtterge mindetti kepildik berý týraly» Qazaqstan zańyna sáıkes kúntizbelik 30 kún ishinde júzege asyrady. Osylaısha, taratylatyn segiz banktiń klıentteri ótem aqshalarynyń BJZQ-ǵa aýdarylýyn osy jyldyń 31 mamyryna deıin, al «Capital Bank Kazakhstan» AQ salymshylary 2 tamyzǵa deıin kúte alady.

Eske salamyz, tólem merzimin dáleldi sebeptermen ótkizip alǵan salymshy jazbasha ótinishpen qorǵa tikeleı júginedi. О́tinishpen birge dáleldi sebepterdi rastaıtyn qujattar da qosa beriledi. Dá­leldi sebepterge: áskerı qyz­met­ke ornalasý, depozıtordyń shetelde, bas bostandyǵynan aıy­rý oryndarynda bolýy, salym­shy­nyń murasyn qabyldaý jáne murany ashý jáne alýǵa qatysty ózge de sebepter, sondaı-aq sot anyqtaǵan basqa da mán-jaılar jatady.

BJZQ mamandary óz keze­gin­de taratylatyn bank­ter­­diń sa­lymshylarynyń talap et­pe­­­gen ótem somalary Qazaq­stan Res­pýblıkasynyń zeınet­aqy­­­men qamsyzdandyrý zańna­ma­­­synda kózdelgen tártippen sa­lym­shylardyń atyna ashylǵan, erikti zeınetaqy jarnalaryn esep­ke alýǵa arnalǵan jeke zeı­net­­aqy shottaryna aýdarylatynyn atap ótti.

Talap etilmegen kepildik be­ril­gen ótem somasy BJZQ-ǵa sa­lym­shynyń derbes derekteri BJZQ-daǵy derektermen sáıkes kelgende jáne salymshynyń jeke basyn kýálandyratyn qujaty bar bolǵan jaǵdaıda aýdarylady. Sondaı-aq salymshyda mindetti zeınetaqy jarnalary jáne (nemese) mindetti kásiptik zeınetaqy jarnalary jáne (nemese) erikti zeınetaqy jarnalary esebinen ashylǵan, zeınetaqy jınaqtary bar JZSh bar bolýy qajet.

Biraq bul úshin salymshylarǵa BJZQ-ǵa barýdyń qajeti joq – eger barlyǵy talapqa sáıkes kele­tin bolsa, ótem somasy BJZQ-ǵa avtomatty túrde aýdarylady.

Budan basqa BJZQ mamandary JZSh-ǵa eseptelgen ótem somalarynyń basqa zeınetaqy aktıvteri sekildi ınvestısııa­la­natynyn málimdedi. Iаǵnı bul soma salymshyǵa (alýshyǵa) ın­ves­tısııalyq tabys ákeletin bolady.