«Qyrǵyzstannyń Ulttyq banki aqsha aýdarymdaryn júzege asyrý erejelerine ýaqytsha ózgerister engizdi», dep habarlaıdy qarjy retteýshisiniń saıty.
О́zgeristerdiń engizilýi sońǵy kezderi Reseı men Qazaqstannan dollarmen keletin aqsha aýdarymdarynyń kólemi kúrt artyp, klıentterdiń qolma-qol dollarmen aýdarýdy surap jatqandyǵyna baılanysty.
«Qazirgi ýaqytta Qyrǵyz Respýblıkasynyń aýmaǵynda halyqaralyq aqsha aýdarý júıesi arqyly alýshyǵa aqsha aýdarymyn berý tek jóneltýshi eldiń valıýtasynda nemese ulttyq som valıýtasynda bolýy múmkin», dep málimdedi Qyrǵyz Respýblıkasynyń Ulttyq banki.
Eger Reseıden aqsha aýdarymy jiberilse, ol alýshyǵa tek rýblmen, eger Qazaqstannan bolsa - tek teńgemen, basqa elden bolsa - kommersııalyq banktiń baǵamy boıynsha ulttyq valıýtada berilýi kerek.
О́zgeristerdiń ýaqytsha ekeni jáne qolma-qol dollardyń Qyrǵyzstannan tysqary jerlerge shyǵýynyń keri áserin azaıtýǵa baǵyttalǵany atap ótildi.
