«Kóliktik servıs ortalyǵy» AQ (KSO) aksııalary paketiniń 100%-yn syıǵa tartý sharty boıynsha respýblıkalyq menshikke berý týraly «Temir Trıýmf» JShS-niń usynysy qabyldansyn», delingen qaýly mátininde.
«KSO» AQ Qazaqstandaǵy 400-den astam temirjol kirme joldarynyń teńgerim ustaýshysy ekenin atap ótken jón.
Sondaı-aq syıǵa tartý sharty boıynsha «Integrity Solutions» JShS aqparattyq-kommýnıkasııalyq salada qyzmet kórsetetin «Soft Art» JShS jarǵylyq kapıtalyndaǵy qatysý úlesiniń 50%-yn respýblıkalyq menshikke beredi.
«Bridge capital investments limited» jeke kompanııasy memleketke taý-ken jáne óńdeý ónerkásibi salalarynda jumys isteıtin «Akmolıt» JShS, «Marhıt» JShS, «Topaz-NS» JShS jarǵylyq kapıtaldaryndaǵy qatysý úlesteriniń 100%-yn beredi. «KSO» AQ aksııalary jáne atalǵan seriktestikterdiń jarǵylyq kapıtaldaryndaǵy qatysý úlesteri «Samuryq-Qazyna» ulttyq ál-aýqat qory» aksıonerlik qoǵamynyń ornalastyrylatyn aksııalaryna tóleýge beriledi.
Qaýly qol qoıylǵan kúnnen bastap qoldanysqa engiziledi.
