Sengenimiz «Astanaenergosbyt» bolsa...

Kásipkerlik kodeksine saı «Astanaenergosbyt» JShS – baǵalardy memlekettik turǵydan retteı otyryp, baǵa belgileý tártibin saqtaýǵa tıis naryq sýbektisi. Qala turǵyndary osy kásiporynǵa senip, olar túbirtekke jazyp jiberetin tólemaqyny aı saıyn tólep otyr. Turǵyndardyń kóbi «úıdiń ortaq qajettiligine jumsalatyn energııa shyǵyny nege kóp, elektr jaryǵynyń tólemaqysy nege birde kóp, birde az keledi?» dep suramaıdy da. Qandaı tólem esepteldi, sony tólep júre beredi. Biraq sońǵy kezde JShS ústinen shaǵymdanǵan turǵyndar kóbeıgen sekildi. Sol sebepti tıisti memlekettik mekeme JShS-ǵa jospardan tys tekserý júrgizýdi qolǵa alǵan. Kóp uzamaı onyń qorytyndysy da jarııalandy.

Nátıjeni saraptasaq, «Astanaenergosbyt» JShS elektr energııasyn tutyný kólemine baılanysty tarıfterdi saralaý kezinde tólem somalaryn esepteý tártibin óreskel buzǵany anyqtalǵan. Sonyń saldarynan tutynýshylar elektr energııasyna negizsiz joǵary soma tólep kelgen. Aı saıynǵy energııa shyǵyny tólemin tekserýge ótinim bergen 56 tutynýshynyń 32-sine 129 myń teńge mólsherinde negizsiz tólemaqy qoıylǵan.

«Mysaly, tutynýshylardyń biriniń tórt aıda tólegen artyq tólemi 17 myń teńgeni quraǵan. Tólemderdi negizsiz ósirýge baılanysty «Astanaenergosbyt» JShS-na qa­tysty Qazaqstan Respýblıkasynyń Ákimshilik quqyq buzý­shylyq týraly kodeksiniń 167-baby boıynsha ákim­shilik is qozǵaldy, oǵan sáıkes 2000 AEK nemese 6 mln teńgeden joǵary mólsherde aıyppul kózdeldi», delingen Ulttyq ekonomıka mınıstrliginiń resmı saıtynda jaryq kórgen habarlamada.

Endi «Astanaenergosbyt» JShS elektr energııasyn tutyný kólemi zańsyz eseptelgen elordalyqtardyń tóle­min qaıta qarap, zańsyz alynǵan aqshany turǵyndarǵa qaıtarýǵa tıis. Tutynýshylar da túbirtektegi tólemaqy artyq eseptelgenin baıqasa, ony qaıta esepteý úshin «Astanaenergosbyt» JShS-ǵa júginýge quqysy bar. Al «Astanaenergosbyt» tólemaqyny qaıta esepteýden negizsiz bas tartsa, onda azamattar Ulttyq ekonomıka mınıstrligi Tabıǵı monopolııalardy retteý komıtetiniń Nur-Sultan qalasy boıynsha departamentiniń kómegine júgine alady.

Osynyń aldynda da «Astanaenergosbyt» JShS-nyń basy daýǵa qalǵan edi. Elordalyq tutynýshylar taǵy da Ulttyq ekonomıka mınıstrligi Tabıǵı monopolııalardy retteý komıtetiniń Nur-Sultan qalasy boıynsha depar­ta­mentine shaǵym túsirgen. Soǵan baılanysty jospardan tys tekserý júrgizgen kezde kásiporynnan Kásipkerlik kodeksiniń normalaryn buzý faktileri anyqtalǵan. «As­ta­na­energosbyt» JShS 2021 jylǵy qarasha, jeltoqsan aılarynda jáne 2022 jylǵy qańtar aıynda tutynýshylarǵa elektr energııasyn paıdalaný qaǵıdalarynyń 64-tarmaǵyna sáıkes ortasha táýliktik esepteý boıynsha kórsetkishter qoıǵan. Negizinde Qazaqstan Respýblıkasynyń Azamattyq kodeksi, «Elektr energetıkasy týraly» zańy jáne Tur­mys­tyq tutynýshylarǵa arnalǵan elektrmen jab­dyq­taýdyń úlgilik sharty boıynsha tutynýshylardyń tutynǵan elektr energııasy úshin aqy tóleýi kommersııalyq esepke alý aspaptarynyń naqty kórsetkishteri negizinde júrgizilýge tıis. Osylaısha, «Astanaenergosbyt» JShS-ǵa qatysty Qazaqstan Respýblıkasynyń ákimshilik quqyq buzýshylyq týraly kodeksiniń 167-baby boıynsha 6 126 000 teńge kóleminde aıyppul qarastyrylǵan ákimshilik quqyq buzýshylyq týraly hattama toltyryldy», delingen UEM saıtyndaǵy málimette.

Alaıda «Astanaenergosbyt» JShS ákimshilik quqyq buzýshylyq týraly hattamamen kelispegen. Materıaldardy Nur-Sultan qalasynyń Ákimshilik quqyq buzýshylyq jónindegi mamandandyrylǵan aýdanaralyq sotyna qaraýǵa berý týraly ótinish jasaǵan.