Kelesi qarsylasy – shvesııalyq

Gýramnyń jasy 30-da. Ol Grýzııada týyp-óskenimen, eseıe kele Shvesııaǵa qonys aýdar­­dy. Alǵashynda kıkboksıng­pen shuǵyldanyp, kóptegen ha­lyqaralyq jarysta eleýli ta­bystarǵa qol jetkizdi. Keıin­nen grepplıng, erkin kúres jáne boks­ty meńgerdi. 2010 jyldan beri aralas jekpe-jekke den qoıdy. Bastapqy úsh básekede Kýtateladze je­ńiske jetkenimen, kelesi eki kez­desýinde jeńilistiń kermek dámin tatty. Sol sátsizdikterden sabaq alǵan ol Stokgolmdegi Allstars Gym Sweden klýbynda áıgili shvesııalyq sportshy Aleksandr Gýstafssonmen bir zalda jattyqty. Keıinnen olardyń qataryna jas juldyz Hamzat Chımaev qosyldy.

Myqtylarmen ıyq tirese jattyǵý óz jemisin berdi. 2005 jyldan beri Gýram toǵyz ret oktagonǵa shyǵyp, barlyǵynda jeńiske jetti. Onyń jalpy rekordy – 14 kezdesý, 12 jeńis (8 nokaýt), 2 jeńilis. Sońǵy ret Shvesııanyń ókili 2020 jyldyń 17 qazanynda Ábý-Dabıde ótken jarysta polshalyq Mateýsh Gemrotty upaı sanymen utty.

Al Damır Ismaǵulovtyń júrip ótken joly qazaq jan­kúıerleriniń kóz aldynda. Oryn­borda dúnıege kelgen qanda­symyz 2014 jyldan beri MMA-ny serik etýde. Sol kezden beri 24 kezdesý ótkizgen ol sonyń tek bireýinde ǵana jeńilis tapty. 13 básekeni merziminen buryn aıaq­tady. Damır UFC-de tórt jekpe-jek ótkizip, barlyǵyn upaı sanymen óz paıdasyna sheshti.