«2022 jyldyń 21 sáýiri saǵat 15:00-degi jaǵdaı boıynsha, aýyr ishek ınfeksııasynyń belgilerimen Rýdnyı taý-tehnologııalyq kolledjiniń 35 stýdenti medısınalyq kómekke júgindi. Onyń 14-ine «Jiti gastroenterıt» dıagnozy qoıylyp, aýrýhanaǵa jatqyzyldy, qalǵandaryna ambýlatorııalyq em taǵaıyndaldy», dedi vedomstvodan.
Rýdnyı polısııa basqarmasy qozǵaǵan qylmystyq is aıasynda Qostanaı oblystyq sanıtarlyq-epıdemııalyq baqylaý departamenti óńirlik basqarmamen birlesip «S_SALTA» JShS jalǵa alǵan kolledj ashanasyna jospardan tys tekserý júrgizýdi bastady. Vedomstvo ókilderi stýdentterden saýal alý barysynda olarda júrek aıný, qusý, suıyq dáret túrindegi ishek ınfeksııasy belgileri bolǵanyn atap ótti. Zardap shekkenderdiń bári kolledj ashanasynda tamaqtanǵannan keıin aýyryp qalǵan. Naýqastardyń jaǵdaıy turaqty, ortasha aýyr deńgeıde.
«Sanıtarlyq-epıdemııalyq baqylaý departamenti men aýmaqtyq basqarma mamandary zerthanalyq tekserý úshin azyq-túlik, sý synamalaryn alǵan. Mamandar epıdemııaǵa qarsy sharalardy júrgizip jatyr», dep qorytyndylady vedomstvodan.
Eske sala keteıik, Rýdnyı taý-ken tehnologııalyq kolledjiniń 70-ten astam stýdenti astan ýlandy.
