Otyrysta qazaq tiliniń qoldanys aıasyn keńeıtý, onyń əleýmettik ahýalyna qoǵamdyq baqylaý ornatý jáne memlekettik til arqyly ulttyń rýhanı-mədenı bolmysyn nasıhattaý, tildik resýrstardy jetildirý, sondaı-aq qazaq tilin oqytý boıynsha máseleler talqylandy.
Jıyn sońynda Y.Altynsarın atyndaǵy Ulttyq bilim akademııasy men «Halyqaralyq «Qazaq tili» qoǵamy» qoǵamdyq birlestigi ózara yntymaqtastyq týraly memorandýmǵa qol qoıdy.
Memorandýmnyń maqsaty – bilim berý uıymdarynda memlekettik tildiń qoldanys aıasyn keńeıtýge, shetelderdegi qazaq mektepteriniń pedagogterine ádistemelik qoldaý kórsetýge baǵyttalǵan birlesken jobalardy iske asyrý.
Is-sharaǵa Bilim jáne ǵylym vıse-mınıstri Ǵanı Beısembaev, Bilim jáne ǵylym mınıstrligi Til saıasaty komıtetiniń tóraǵasy Ádilbek Qabaev, QR Parlamenti Májilisiniń depýtaty, «Halyqaralyq «Qazaq tili» qoǵamy» qoǵamdyq birlestiginiń prezıdenti Berik Ábdiǵalıuly, Y.Altynsarın atyndaǵy Ulttyq bilim akademııasy prezıdentiniń mindetin atqarýshy Madına Tynybaeva, A.Baıtursynuly atyndaǵy Til bilimi ınstıtýtynyń dırektory Anar Fazyljanova, QR Tutynýshylardyń Quqyǵyn Qorǵaý koalısııasynyń tóraǵasy, Bilim jáne ınnovasııa Ulttyq palatasy Keńesiniń tóraǵasy Murat Ábenov jáne Parlament depýtattary, qoǵam belsendileri men til janashyrlary qatysty.
