«Ortalyq Azııa+Japonııa» dıalogy

О́tken úsh onjyldyqta Ortalyq Azııa elderi men Japonııa arasynda barlyq baǵyt boıynsha jemisti yntymaqtastyq ornap, ekijaqty jáne kópjaqty formattarda syndarly dıalog jolǵa qoıylyp, saýda-ekonomıkalyq jáne mádenı-gýmanıtarlyq ózara is-qımyl serpindi damyp keledi.

Á.Tursynov óz sózinde elimiz­diń keńeıtilgen strategııalyq árip­testigi boıynsha Japonııamen qar­qyndy damyp kele jatqan jan-jaqty yntymaqtastyqty jo­ǵa­ry baǵalady. Qazaqstan tarapy densaýlyq saqtaý, aýyl sharýashylyǵy, sıfrlandyrý, qorshaǵan ortany qorǵaý jáne ózge de salalardaǵy ózara is-qımyldy jandandyrýdy usyndy.

Joǵary deńgeıdegi onlaın-kez­desýge qatysýshylar ha­lyq­aralyq jáne óńirlik bir­qa­tar ózekti máse­le­ni jan-jaq­ty talqylap, saýda-ekono­mı­ka­lyq jáne ınves­tı­sııa­lyq yn­tymaqtastyq, den­saýlyq saq­taý, ekologııa, tu­raqty damý jáne óńir­lik qaýip­sizdik sala­la­ryn­daǵy ózara is-qımyldy keńeı­tý perspektıvalaryn bel­giledi.

Japonııanyń bastamasymen ótken «Ortalyq Azııa+Japonııa» dıalogynyń alǵashqy kezdesýi 2004 jyly Qazaqstan astanasynda ótken edi. Format sheńbe­rin­degi yntymaqtastyqtyń ne­giz­gi baǵyttary – saıası dıalog, óńirishilik yntymaqtastyqty damy­tý, bıznesti qoldaý, zııat­kerlik dıalog, mádenı baılanystar jáne adamı kapıtaldy nyǵaıtý. «OA+Japonııa» dıalogynyń ke­zek­ti 9-shy mı­nıstr­lik kezdesýin bıyl jyl sońyna deıin Tokıoda ótkizý jos­parlanyp otyr.