Infraqurylymdyq damý jospary qoldaý tapty

«Turǵyndar men qalanyń ósý dınamıkasyn, ıaǵnı jańa qu­ry­lys aýdandarynyń ashylýyn eskere otyryp, aldymen jylý, elektr, sý berý qýatyn artty­rý qajet. Osy faktorlar ómir súrý jaılylyǵyna, qalanyń da­mýyna, ınvestısııa tartýǵa tike­leı baılanysty. Memleket bas­shysynyń tapsyrmasy boıyn­sha osy máseleni sheshý úshin bir­qatar strategııalyq nysannyń qurylysyn júrgizip jatyrmyz. Mysaly, sýǵa qatysty máse­le­ler­di sheshý úshin ótken jyldan bastap sorǵy-súzgi stansasynyń (SSS-3) qurylysyna kiristik. Ny­san osy jyldyń sońyna qaraı ishin­ara paıdalanýǵa beriledi. Al 2023 jyldan bastap jańa SSS-3 jumysynyń qýatyn ulǵaıtamyz. Bul bolashaq qurylys alańdaryn aýyzsýmen qamtamasyz etip qana qoımaı, qazirgi sý berý qýatyn art­tyrýǵa múmkindik beredi. Má­se­len, qazir táýligine 300 myń tekshe metrdi tutynatyn bolsaq, onda SSS-3 qýaty táýligine qo­sym­sha 100 myń tekshe metrden astam qýat beredi. Sondaı-aq SSS-3-ke uzyndyǵy 18 km sýbur­ǵysh­ salamyz», dedi A.Kól­ginov.

Elordada sońǵy 3 jylda 8,5 mln sharshy metr turǵyn úı salyn­­­­­dy. Sol sebepten jylý­men qamtý qýatyn arttyrý qajet. Bul úshin qala ákim­di­gi JEO-3 qurylysyn jań­ǵyr­týdan bólek úsh jergilikti gaz qazandyǵyn jobalaýǵa kiristi. Gaz qazan­dyq­tarynyń qýaty saǵatyna 1 myń gıgakalorııadan asady, bul JEO-3 qýatynan úsh eseden asa kóp. Bul qurylys júretin pers­pektıvaly aýdandardy jylýmen qamtýǵa múmkindik beredi. Sondaı-aq elordada qalany gazdandyrý jumysy júrip jatyr. Almaty jáne Saryarqa aýdandary tolyǵymen gazdandyryldy. Bul rette 680 shaqyrymnan astam gaz taratý jelisi salyndy. Buǵan qosa gaz taratý jelileri qalǵan eki aýdanda salynady.

Sonymen qatar káriz tazartý qurylystaryn jobalaý (KTQ-2) boıynsha jumystar júrgizilýde. Sol sııaqty elektr jelilerin jań­ǵyrtý, «Araı», «Juldyz» jáne basqa da qosalqy stansalardy jobalaý jáne rekonstrýksııa­laý boıynsha júıeli jumystar atqa­rylady. Sondaı-aq qala más­lıhaty turǵyndar sany jyl saıyn ósip kele jatqanyn, tıi­sin­she qala kóshelerine túsetin kúsh­tiń ulǵaıýyn eskere otyryp, qalalyq kóliktiń 10 jáne odan da kóp jylǵa arnalǵan biryńǵaı tehnıkalyq baqylaýdy ázir­leýge múmkindik beretin keshen­di kólik shemasynyń (KKS) tujyrymdamasyn qabyldady.