Torakaldy hırýrgtar keńirdek stenozy dıagnozy qoıylǵan 56 jastaǵy pasıentke osyndaı ota jasady. Ol bıylǵy aqpan aıynda kovıd juqtyryp, pnevmonııanyń aýyr túrimen aýyrǵan eken.
Hırýrg Muhtar Nysanbaıdyń aıtýynsha, pasıent uzaq ýaqyt boıy jansaqtaý bóliminde, keıin ıntensıvti terapııa bóliminde jatqan. «О́kpeni jasandy jeldetý apparatymen uzaq ýaqyt boıy dem alǵandyqtan keńirdegine traheostomııa jasalǵan. Aýrýhanadan shyqqannan keıin araǵa bir aı salyp dem jetpeı alqynyp, tynystaǵanda keýdede ysqyryq paıda bolǵan. Kompıýterlik tomografııa men bronhoskopııa nátıjesinde keńirdektiń tómengi bóliginiń tarylǵany anyqtalyp, sırkýlıarly stenoz degen dıagnoz qoıyldy», deıdi dáriger.
Keńirdek stenozy nemese keńirdektiń tarylýy uzaq ýaqyt jasandy tynys alý apparatymen dem alǵan, traheostomııa jasalǵan, moıyn jaraqatyn alǵan, keńirdegi men jutqynshaǵy kúıgen, keńirdek jolynda isik paıda bolǵan pasıentterde kezdesedi. Bul dert aýanyń ókpege túsýin qıyndatady.
Torakaldy hırýrgter endoskopııalyq elektroekssızııa dep atalatyn operasııa jasady. Qazir pasıenttiń jaǵdaıy jaqsy. Tynys alý jetkiliksizdigi baıqalmaıdy.
«Sońǵy kezde mundaı jaǵdaılar jıi kezdesetin boldy. Bul dertten ásirese, jasandy tynys alý apparaty arqyly uzaq ýaqyt dem alǵan jáne keńirdegine tilik jasalǵan adamdar zardap shegedi. Olar demikpedegi sııaqty tunshyǵyp, aýa jetpeı qınalady, qaqyryq túsýi qıyndaıdy», deıdi Muhtar Nysanbaı.
Torakaldy hırýrgııa ortalyǵyndaǵy ÝDZ, fıbroendoskop, KT, MRT syndy zamanaýı qondyrǵylar operasııany asqan dáldikpen júrgizýge múmkindik beredi. Shalǵaı eldi mekenderdiń turǵyndary elektrondy hat nemese telefon arqyly aldyn-ala syrttaı konsýltasııa ala alady. Sonymen qatar munda kóshpeli qabyldaý jáne ota jasaý múmkindigi de qarastyrylǵan.
