SQO polısııa departamenti baspasóz qyzmetiniń málimetinshe, 23 sáýir kúni saǵat 14.00 kezinde «Chelıabi-Novosibir» avtojolynyń 557-shaqyrymynda «GAZ-A65R52» markaly kólik jol apatyna ushyrady. Saldarynan 2005 jyly týǵan boıjetken oqıǵa ornynda kóz jumdy. 5 adam túrli dene jaraqattarymen medısınalyq mekemelerge jetkizildi.
Bul fakti QR Qylmystyq kodeksiniń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha Sotqa deıingi tergep-tekserýlerdiń biryńǵaı tizilimine engizildi.
Bastalǵan sotqa deıingi tergeý aıasynda polıseıler jol-kólik oqıǵasynyń mán-jaıy men sebepterin anyqtaıtyn bolady. Qajetti saraptamalar taǵaıyndaldy. Oqıǵaǵa qatysty jazba áleýmettik jelide paıda boldy.
Kýágerlerdiń aıtýynsha, jol-kólik apaty oblys ortalyǵynan 20 km jerde, Asanovo eldi mekeniniń mańynda bolǵan. Petropavl-Gankıno baǵyty boıynsha júretin kóliktiń júrgizýshisi uıyqtap ketken degen boljam bar.
