Nóser jaýynnan Kentaý qalasynda shyǵyn kóp bolǵan. Qalada 5 elektr baǵanynyń zaqymdanýynan turǵyndardyń 10 paıyzy jaryqsyz qaldy. 1 mektep pen 1 balabaqshanyń shatyry ushyp ketti. 4 kólikke aǵash qulap, zaqym kelgen. Eki kópqabatty turǵyn úıdiń de shatyry qulady. Qalalyq polısııa bóliminiń ǵımaratyna da zaqym kelgen. Qazir qalany qulaǵan aǵashtardan tazartý jumystary júrip jatyr.
«Qaladaǵy «Juldyz» balabaqshasynyń shatyryn qalypqa keltirgenshe, balalardy balabaqshaǵa qabyldamaý jóninde nusqaýlyq berildi. Barlyǵy balalardyń qaýipsizdigi úshin. №24-shi mekteptiń de shatyrynyń qulaýyna baılanysty balalardy oqytý/oqytylmaý boıynsha qosymsha aqparat beriledi», delingen qala ákimdigi taratqan habarlamada.
Qazir qala ákimdigindegi jedel jeli arqyly turǵyndar tarapynan habarlamalar túsken jaǵdaıda qolǵa alynatyn shuǵyl is-sharalarǵa daıyndyq júrip jatyr.
Aıana Toǵanbek
