«Sanksııalanbaǵan konkýrs ótkizý faktisi boıynsha IIDM Qurylys jáne turǵyn úı-kommýnaldyq sharýashylyq isteri komıteti Shymkent qalasynyń ákimdigine «Nurly jer» baǵdarlamasy sheńberinde salynyp jatqan nesıelik turǵyn úıdi berý tetigin túsindire otyryp, hat joldady.
Atalǵan baǵdarlamanyń talaptaryna sáıkes salynǵan nesıelik turǵyn úıler kezekte turǵan azamattar men salymshylarǵa kezeń-kezeńimen «Otbasy banki» arqyly beriledi. Osyǵan baılanysty ákimdik turǵyn úıdi satý úshin atalǵan bankpen qajetti kelisim jasaýy tıis», dep jazylǵan Indýstrııa jáne ınfraqurylymdyq damý mınıstrliginiń baspasóz qyzmetiniń taratqan habarlamada.
IIDM zańnama sheńberinde ákimdiktiń sheshimin qaıta qaraý, sondaı-aq jergilikti atqarýshy organnyń is-qımylyn qoldanystaǵy turǵyn úı baǵdarlamasynyń talaptaryna sáıkes keltirý qajettigin atap ótti.
Aıta ketsek, atalǵan faktini Indýstrııa jáne ınfraqurylymdyq damý mınıstri qatań baqylaýǵa aldy. Qaıyrbek О́skenbaevtyń tapsyrmasyna sáıkes quzyrly organdar kináli laýazymdy tulǵalardy jaýapkershilikke tartý máselesin qarastyrady. Nátıjeleri týraly qosymsha habarlanatyn bolady
