Kollajdy jasaǵan Amangeldi Qııas, «EQ»
«ForteBank AQ boıynsha reıtıng te «Turaqty» boljamymen «Va2» deńgeıinde rastaldy. Bul kapıtaldandyrý, paıda tabý men ótimdiliktiń nátıjesinde banktiń ınflıasııanyń artýy jáne qarjy naryqtaryndaǵy jaǵdaıdyń qıyndaýy aıasynda oryn alýy múmkin aktıvter sapasynyń yqtımal álsireý táýekelderin tıimdi basqara alatynyn bildiredi. Sondaı-aq Moody’s «Qazaqstannyń damý banki» AQ-tyń uzaq merzimdi reıtıngin «Vaa2» deńgeıinde rastady. Reıtıng boıynsha boljam «Turaqty» bolyp ózgertildi. QDB reıtıngteriniń «Baa2» deńgeıinde rastalýy «Báıterek» holdıngi arqyly «Qazaqstan úkimeti tarapynan bankti yqtımal syrtqy qoldaýyna qatysty belgisizdiktiń azaıǵanyn kórsetedi». Moody’s belgisizdiktiń tómendeýiniń damý ınstıtýty júzege asyryp jatqan transformasııalyq ózgeristermen, atap aıtqanda joǵary basshylyq quramyndaǵy kadrlardyń ózgerýimen, sondaı-aq kredıttik saıasatty qaıta baǵdarlaýmen baılanysty dep túsindiredi», dep málimdedi Qarjy naryǵyn retteý jáne damytý agenttigi.
Moody’s-tiń bizdiń bankterdiń jaǵdaıyn «Turaqty» boljamymen rastaýy – otandyq qarjy ınstıtýttarynda ornyqty kiristilik pen joǵary ótimdiliktiń bar ekenin ańǵartady. Agenttiktiń habarlaýynsha, qazirgi ýaqytta Qazaqstannyń bank sektorynda úzdiksiz qyzmetti qamtamasyz etý jáne bank qyzmetteriniń tolyq tizbesin kórsetý úshin menshikti kapıtal men ótimdiliktiń edáýir qory bar.
Bankter agenttikpen birlesip uzaq merzimdi turaqtylyqty qamtamasyz etý boıynsha onyń ishinde bankterdiń keńeıtilgen tizimi boıynsha 2022 jyldan bastap jyl saıynǵy negizde josparlanǵan tolyq aýqymdy qadaǵalap stress-testileý sheńberinde júıeli jumys júrgizip jatyr.
«Qadaǵalap stress-testileýdi tolyqqandy engizý bankterdegi táýekelderdi basqarýdyń ishki prosesterin jaqsartady, sondaı-aq 2023 jyldan bastap ekonomıka damýynyń strestik ssenarıılerin iske asyrǵan jaǵdaıda yqtımal shyǵyndardy jabý úshin jetkilikti deńgeıde kapıtal boıynsha talaptardy qalyptastyrýǵa múmkindik beredi, bul qazaqstandyq bankterdiń reıtıngterin odan ári jaqsartýǵa yqpal etetin bolady», dep túsindirdi agenttik.
