«Men partııa tóraǵasy laýazymyna Erlan Jaqanuly Qoshanovty usynamyn. Ony barshańyz jaqsy bilesizder. Erlan Jaqanulynyń uıymdamtyrý qabileti joǵary, tájirıbeli ári bilikti azamat», dedi Qasym-Jomart Toqaev partııanyń HHIII sezinde.
AMANAT partııasynyń atqarýshy hatshysy Ashat Oralov sez delegattaryna QR Prezıdent Qasym-Jomart Toqaevtyń Erlan Qoshanovty partııa tóraǵalyǵyna saılaý týraly usynysyna daýys berýdi usyndy. Daýys bergender Májilis spıkeriniń kandıdatýrasyn biraýyzdan qoldady.
«Qurmetti Erlan Jaqanuly, sizdi barlyq delegattar atynan AMANAT partııasynyń tóraǵasy bolyp saılanýyńyzben quttyqtaımyz», dedi Ashat Oralov.
Aıta keteıik, Prezıdent Qasym-Jomart Toqaevtyń tóraǵalyǵymen AMANAT partııasynyń sezi ótip jatyr.
21 sáýirde partııanyń atqarýshy hatshysy Ashat Oralov Prezıdent osy jyldyń 26 sáýirinde kezekten tys XXIII Sezdi shaqyrý týraly sheshim qabyldaǵanyn habarlaǵan edi. Oǵan barlyq óńirlerden delegattar qatysady. Sezd onlaın formatta ótedi.
Sezd barysynda ADAL saıası partııasynyń AMANAT partııasyna qosylýy týraly másele qaralady dep josparlanǵan.
