«Jalpy búgingi ózgerister AMANAT-tyń zaman talabyna saı jańara túsýine jol ashady. Partııa elimizdi órkendetýge óz úlesin qosa beretini sózsiz. Men sizderge senemin», dedi Prezıdent partııanyń XXIII Sezinde.
Sondaı-aq ol partııa tóraǵasy retinde qyzmet etken kezeńde ózimen ıyq tirestirip jumys istegen partııa ókilderine rızashylyǵyn bildirdi.
«Qurmetti AMANAT partııasynyń músheleri, sizderge taǵy da Otanymyzdyń ıgiligi jolyndaǵy qoldaýyńyz ben birlesken jumystaryńyz úshin alǵys aıtamyn. Shynymen de biz birge óte jaqsy jumys istedik. Bir-birimizdi túsine aldyq. Sondyqtan men de bolashaqta birge jumys isteıtinimizge kúmánim joq. Men barshańyzǵa senemin. Jańa Qazaqstandy birge quraıyq», dedi Memleket basshysy.
Aıta keteıik, búgin Prezıdent Qasym-Jomart Toqaevtyń tóraǵalyǵymen AMANAT partııasynyń XXIII sezi ótti.
