Parlament • 27 Sáýir, 2022

Qarjy pıramıdasyn jarnamalaǵandar jaýapqa tartylady

68 ret kórsetildi

Májilis tóraǵasy Erlan Qoshanov qarjy pıramıdalaryna qarsy turýǵa baǵyttalǵan zań jobasy ázirlenip jatqanyn málimdedi. Onda alaıaqtyq shemalardy jarnamalaǵan vaınerler men ártisterge qylmystyq jaýapkershilik qarastyrylǵan, dep habarlaıdy Egemen.kz.

«Qarjy pıramıdalary óte kúrdeli másele. Ásirese bizdiń óńirlerde halyqtyń, turǵyndardyń qarjylyq saýatsyzdyǵyn paıdalanyp, kóbine alaıaqtyq ister jasap jatady. Bul endi bir jaǵynan qylmystyq is dep aıtýǵa bolady. Sebebi, sol qarjy pıramıdalarynyń bergen ýádelerine adamdar senip, sońǵy aqshalaryn aparyp beredi. О́tkende solarǵa aldanǵan bir áıeldiń ózin-ózi órtegenine de kýá boldyq. Sondyqtan Májilis depýtattary zań jobasyn jasap shyqtyq», dedi ol Májilistiń baspasóz alańynda.

Onyń aıtýynsha, bul zań jobasynyń qolǵa alynýyna depýtattar bastamashy bolǵan.

«Taıaý ýaqytta osy zań jobasy qabyldanady. Onyń ishinde qarjy pıramıdalaryna bóget jasaıtyn baptar bar. Negizgisi qoǵamǵa belgili adamdarǵa, ártisterdiń, vaınerlerdiń is-áreketterine, ásirese sol alaıaqtyq ekenin bilip turyp jarnama jasaıtyn bolsa, kómektesetin bolsa, olar qylmystyq jaýapqa tartylady.

Qazir dál ýaqytyn aıta almaımyn. Biraq bıylǵy birinshi jartyjyldyqta iske alarmyz dep oılaımyn», dedi Erlan Qoshanov.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar