Oblys ákimi baspasóz qyzmeti málimdegendeı, Atyraý qalasynda «Sergek» beınebaqylaý júıesiniń 2 748 kamerasy ornatylǵan. «Bıylǵy jyldyń eki aıynda «Sergek» beınebaqylaý kamerasy arqyly 21 578 ereje buzý deregi anyqtaldy. Al sáýir aıynyń 13 kúninde jol qozǵalysy erejelerin buzýǵa qatysty 6 394 fakti tirkelgen. Onyń ishinde jyldamdyqty arttyrǵandar sany – 4 244. Jyl basynan beri beınekameralardyń kómegimen 97 qylmys izi sýymaı ashyldy», deıdi ákimdiktiń baspasóz qyzmeti. Qazir oblysta 3500-den astam beınekamera ornatylǵan. Onyń ishinde 750 beınebaqylaý kamerasy ıntegrasııalanǵan.
