Birinshi másele boıynsha sóz sóılegen ındýstrııa jáne ınfraqurylymdyq damý mınıstri Qaıyrbek О́skenbaev búgingi tańda Qazaqstannyń 69 qalasynda KTQ salý nemese rekonstrýksııalaý qajet ekenin atap ótti. Tıisti jobalardy respýblıkalyq bıýdjet pen halyqaralyq uıymdardyń qarajaty esebinen qarjylandyrý josparlanyp otyr.
Qazirgi tańda tórt qalada (Atyraý, Qyzylorda, Fort-Shevchenko jáne Shymkent) KTQ salý nemese rekonstrýksııalaý jobalary júzege asyryla bastady. Qalǵan 65 jobany ınvestısııalyq tartymdylyqty eskere otyryp, 2028 jylǵa deıin iske asyrý usynylady.
Ekinshi másele boıynsha Memleket basshysynyń tapsyrmasyna sáıkes «Memlekettik qala qurylysy kadastry» AAJ-da ınjenerlik jeliler týraly derekterdi tolyq sıfrlandyrýdy qamtamasyz etý josparda bar ekeni atap ótildi.
Jerasty jelileri boıynsha naqty keńistiktik derekterdi tek ınjenerlik-geodezııalyq izdenister ádisimen ǵana qalyptastyrý múmkin bolady. Sonymen qatar derekterdi úzdiksiz ózektendirý tetigin engizbesten, ınjenerlik jelilerdi tolyq sıfrlandyrǵan orynsyz.
Osy maqsatta tabıǵı monopolııalar sýbektileriniń ınjenerlik jelilerdiń tehnıkalyq sıpattamalary men bos qýaty týraly málimetterdi mindetti túrde usynýy boıynsha zańnamaǵa túzetýler engizýge, sondaı-aq «MQK» AAJ-ǵa engize otyryp, barlyq deńgeıdegi jobalardyń biryńǵaı qala qurylysy saraptamasyn engizýge bastama jasaldy.
Atalǵan sharalardyń arqasynda ınjenerlik jelilerdiń sıfrlyq negizi qalyptastyrylýy tıis, ol aǵymdaǵy túgendeý jumystary men derekterdi onlaın-ózektendirý aıasynda naqtylanatyn bolady.
QR Premer-Mınıstri talqylanǵan jobalarǵa qatysty aıtylǵan tásilderdi maquldap, olardy iske asyrý úshin pysyqtaý jumystaryn júrgizýdi tapsyrdy.
