27 sáýirde qyzmet babyndaǵy qamqorlyǵy úshin qaramaǵyndaǵy qyzmetkerlerden 178 myń teńge mólsherinde para alǵany úshin Shymkent polısııa maıory K. Álimhanov ustaldy. Álimhanovtyń óz qyzmetkerlerinen jalpy qamqorlyǵy úshin polk basshylyǵyna 2021 jyldyń mamyrynan 2022 jyldyń sáýirine deıin aı saıyn para alýdyń qosymsha faktileri anyqtaldy.
Álimhanovtyń avtokólik quralyn mas kúıinde júrgizgeni úshin ákimshilik jaýapkershilikke tartpaı rota ınspektorlarymen aldyn ala sóz baılasý boıynsha adamdardan 130 myń teńge somasynda para alǵan. Sondaı-aq Álimhanovtyń zańda kózdelgen demalys kúnderin bergeni úshin qol astyndaǵylardan 2 myń teńge mólsherinde júıeli túrde para alǵany anyqtaldy.
Álimhanovqa qatysty sot «kúzetpen ustaý» túrindegi bultartpaý sharasyn tańdady. Tergeý jalǵasýda. О́zge aqparat QR QPK 201-babyna sáıkes jarııa etýge jatpaıdy.
Sybaılas jemqorlyqqa qarsy qyzmet pen IIM-niń sybaılas jemqorlyq faktilerin anyqtaý jáne jolyn kesý jónindegi birlesken jumysy jalǵasady.
