Senatorlar «Referendým týraly» zańnan Elbasy týraly normany alyp tastady. Qujattyń burynǵy nusqasy boıynsha Tuńǵysh Prezıdenttiń mártebesine qatysty máseleler respýblıkalyq referendýmnyń nysanasy bola almaıdy.
Senat depýtattary bul normany zań jobasynan alyp tastaýdy usyndy. Túzetý qoldanystaǵy Zańnyń 3-babynyń 2-tarmaǵy týraly bolyp otyr. Senattyń redaksııasynda bul norma «memlekettiń táýelsizdigin, Respýblıkanyń birtutastyǵy men aýmaqtyq tutastyǵyn, ony basqarý nysanyn, Respýblıka qyzmetiniń túbegeıli prınsıpterin ózgertý» máseleleri ǵana referendýmnyń nysanasy bola almaıtynyn kózdeıdi.
Endi bul zań jobasyn Májilis depýtattary qaıta qaraıdy. Eger olar kelisse, qujat aldaǵy ýaqytta Memleket basshysyna qol qoıýǵa jiberiledi.
