Qurylǵan shtabqa birneshe prtııa men qoǵamdyq uıym ókilderi de kirmek. Al shtab tóraǵasy Tóleýbek Muqashev boldy.
«Prezıdenttiń respýblıkalyq referendým ótkizý týraly Jarlyǵyna baılanysty sharany qoldaıtyn respýblıkalyq qoǵamdyq shtab qurý bastamasy kóterildi. Ondaı bastamany Qazaqstan máslıhat depýtattarynyń birlestigi qozǵady. Oǵan iri qoǵamdyq birlestikter men salalyq qaýymdastyqtar atsalysýǵa nıet bildirdi.
Sondaı-aq «Aqjol» men «Aýyl» partııalary da qyzǵýshylyq tanytyp otyr. Biz usynylyp otyrǵan konstıtýsııalyq reformanyń búkil normalary boıynsha túsindirý materıaldaryn ázirleımiz. Birlesken áleýetimizdi búkil óńirlerdegi halyqqa túsindirý jumystaryna baǵyttaımyz», dedi Tóleýbek Muqashev shtab ótkizgen brıfıngide.
Aıtýynsha, shtabtyń shalǵaı aýdannyń bárin qamtıtyn qaýqary bar.
Budan keıin túrli salalyq toptarmen kezdesýler uıymdastyrý josparlanǵan.
