Oblystyq tótenshe jaǵdaılar departamentiniń qoǵammen baılanys tobynan málim etkendeı, órt búgin, 6 mamyrda Tańdaı aýylynda tutanǵan. Bul aýyl – Mahambet aýdanyndaǵy Baqsaı aýyldyq okrýginiń ortalyǵy.
«Mahambet aýdanynyń Baqsaı aýyldyq okrýginde tańǵy saǵat 6:33-te qurylysshylar jatatyn vagon órtendi. Vagon «Caspian Ecology» jaýapkershiligi shekteýli seriktestigine tıesili bolǵan. О́rttiń saldarynan vagon túgi qalmaı janyp ketti. Jalyndy sóndirýge departamenttiń №6 órt sóndirý bóliminen 4 qyzmetker men 1 arnaıy tehnıka tartyldy. О́rt sóndirýshiler jalyndy saǵat 8:00-de oqshaýlap, saǵat 08:35-te tolyq sóndirdi. Zardap shekkender men qaıtys bolǵandar joq», dedi departamenttiń qoǵammen baılanys tobynan.
Jaqynda oblystyq tabıǵı resýrstar jáne tabıǵat paıdalanýdy retteý basqarmasy «Caspian ecology» JShS-niń atalǵan aýdandaǵy Tańdaı aýylynda ashyq jıyn túrindegi qoǵamdyq tyńdaý ótkizetinin habarlady.
Qoǵamdyq tyńdaýda jurtshylyq talqylaýyna qaldyqtarmen jumys isteý kesheninde shyǵaryndylardyń ruqsat etiletin normatıvter jobasy, qaldyqtardy basqarý, óndiristik ekologııalyq baqylaý baǵdarlamalary, sondaı-aq qorshaǵan ortany qorǵaý jónindegi is-sharalardy usynýdy kózdegen.
Seriktestik qoǵamdyq tyńdaýdy 19 mamyrda Tańdaı aýylyndaǵy Baqsaı aýyldyq mádenıet úıinde ótkizýdi josparlap otyr.
