«Qostanaı qalasyndaǵy Naberejnaıa kóshesinde 12 turǵyn úı, sharýashylyq nysandary, 3 jeńil kólik pen 1 júk kóligi órtenip ketti. Bul jaıt qala kólemindegi tótenshe jaǵdaı esebine jatqyzyldy. TJ saldaryn joıý boıynsha qalalyq shtab pen komıssııa otyrystary ótti. Memlekettik organdarǵa zardap shekkenderge jyldam kómek kórsetý jóninde tapsyrmalar berildi», dep habarlady qala ákimdigi.
О́rtengen múliktiń baǵasyn esepteý maqsatynda jedel komıssııa qurylyp, oǵan táýelsiz sarapshylar tartyldy. Komıssııa qorytyndysyn qysqa merzimde shyǵarý mindetteldi.
«Qazirgi málimetter boıynsha 13 otbasy zardap shekti. Olarda 13 kámeletke tolmaǵan bala bar, onyń 7-eýi – oqýshy. Adamdardy ýaqytsha ornalastyrý úshin «Drýjba» saýyqtyrý ortalyǵy daıyndalyp, keshe keshke oǵan 5 adam jaıǵastyryldy. Qajetine qaraı, ıaǵnı qalalyq shtabqa júginetinder bolsa, taǵy da jiberiledi. Adamdar tamaqpen qamtamasyz etilip jatyr. Alǵashqy kómek retinde ár otbasyna 200 myń teńgeden berildi», dep tolyqtyrdy ákimdik.
Qalalyq eńbekpen qamtý jáne áleýmettik baǵdarlamalar bóliminen zardap shekken otbasylardyń árqaısysyna 70 AEK kóleminde bir rettik járdemaqy bólinedi.
Aıana Toǵanbek
