Mobıldi qosymshada aımaqtardaǵy bos jumys oryndaryna qatysty málimet bolady degen jospar bar.
Jobanyń negizgi maqsaty – jastarǵa bolashaq mamandyǵyn tańdaýǵa kómektesý jáne kásibı turǵyda baǵyt berý. Jastar eńbek naryǵyndaǵy ózgerister men qandaı mamandyqtarǵa suranystyń bar ekenin bilip otyrady.
Qazaqstan stýdentteri alıansynyń prezıdenti Ilııas Tústikbaevtyń aıtýynsha, talapkerler mobıldi qosymshada barlyq qajetti aqparatty taba alady.
«Bizge talapkerler tarapynan joǵarý oqý oryndary men kolledjderdiń saıttaryna qatysty shaǵym jıi túsedi. Jastar qajetti aqparatty taba almaı jatady, keıbir saıttar yńǵaısyz, kerek nárseni tabý qıyn. Osyny eskere otyryp, jańa qosymshanyń ázirleýdi sheshtik. Ol jerde joǵary oqý oryndary, kolledjder, memlekettik jáne bilim berý granttary, stıpendııalar, sondaı-aq, bos jumys oryndary týraly aqparat bolady», deıdi I.Tústikbaev.
Jańa mobıldi qosymshany ázirleý jumystaryna «Atameken» UKP, bilim jáne ǵylym mınıstrligi, ýnıversıtetter, kolledjder, bilim basqarmalary men aımaqtyq jumyspen qamtý ortalyqtary tartyldy.
Qosymsha qazaq jáne orys tilderinde bolady. Ony birneshe aıdyń ishinde iske qosý josparlanyp otyr.
