Bıyl olımpıadaǵa 16 elden 100-ge jýyq oqýshy qatysty. Olardyń qatarynda Albanııa, Bosnııa jáne Gersegovına, Bolgarııa, Kıpr, Makedonııa, Gresııa, Moldova Respýblıkasy, Chernogorııa Respýblıkasy, Rýmynııa, Serbııa jáne taǵy basqasy bar. Zııatkerlik jarystar 4-9 mamyr aralyǵynda Larnaka qalasynda (Kıpr) oflaın formatta ótti.
Jyl saıyn saıysqa 6 adamnan quralǵan Qazaqstan quramasy qatysady. Bıyl el namysyn Almaty, Nur-Sultan, Qostanaı, Atyraý jáne Aqtaý qalalarynyń oqýshylary qorǵady. Saıysta balalar matematıkadan olımpıada tapsyrmalaryn óte qysqa merzimde sheshýi kerek boldy.
«Olımpıadany ótkizý prosesi avtomattandyryldy. Bul olımpıadalardy aýdandyq deńgeıden respýblıkalyq deıgeıge deıin barynsha ashyq jáne transparentti ótkizýge múmkindik berdi. Balqan olımpıadasy daıyndyqtyń tıimdi ádisi jáne onyń oqýshylarymyzǵa negizgi halyqaralyq matematıkalyq olımpıadaǵa (IMO) daıyndalýǵa kómektesetinin atap ótkim keledi», dedi «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshev.
Aıta keteıik, byltyr qazaqstandyq oqýshylar olımpıadadan 1 kúmis jáne 4 qola medal jeńip alǵan edi.
