Ekonomıka • 11 Mamyr, 2022

Qazaqstanda onlaın-kredıtke tyıym salynýy múmkin

43 ret kórsetildi

Májilis depýtaty Dánııa Espaevanyń aıtýynsha, mıkroqarjy uıymdaryndaǵy problemalyq qaryz úlesi jyl saıyn ósip keledi, dep habarlaıdy Egemen.kz. 

«Bankrottyq – máseleniń saldary ekenin este ustaǵan jón, al onyń sebebi basqada jatyr. Halyq tabysynyń tómen bolýy, paıyzdyq mólsherlemelerdiń shamadan tys joǵary bolýy jáne jeke tulǵalarǵa nesıeniń tym qoljetimdi bolýy bankrottyqqa ákep soǵady. Halyqtyń negizgi bóliginiń tabysynyń tómendigi olardy baspanany jalǵa alý, balalardy oqytý, basqa bankte aı saıyn nesıe tóleý, azyq-túlik jáne basqa da qajettilikter úshin onlaın-qaryz alýǵa májbúr etedi. Kepilsiz qaryz tez jáne tabys deńgeıin eskermeı berilýi, joǵary paıyzdyq mólsherleme túrindegi syn-qater halyqtyń jappaı kredıttelýine yqpal etedi», dedi Espaeva Májilistiń jalpy otyrysynda.

 

Májilis depýtatynyń aıtýynsha, halyqtyń qaryz tuzaǵyna túsýiniń negizgi sebebi – joǵary paıyzdar bolyp otyr, sonyń saldarynan olar óz múlkinen, sonyń ishinde jalǵyz baspanasynan aıyrylýy múmkin.

«Mıkroqarjy uıymdaryndaǵy problemalyq qaryz úlesi jyl saıyn ósip keledi. 2022 jylǵy naýryzdaǵy jaǵdaı boıynsha 1 212 myń qaryzdyń 435 myńy problemalyq bolǵan. Merzimi ótken qaryzdar – 479 myń qaryz alýshy nemese jartysynan astamy kollektorlyq kompanııalarǵa satyldy. Osylaısha, mıkroqarjy uıymdarynyń portfelindegi problemalyq qaryzdardyń jalpy sany 914 myń nemese jartysynan astamyn quraıdy. Qazir ulttyq ekonomıkany nesıelendirýdi qysqartý, jumys oryndary men halyq tabysynyń ósýin tejeý júrip jatyr. Jeńil bolyp kórinetin ınternettegi nesıe berýdiń aıla-amaldary da adamdardy quldyqqa ıtermeleýde. Bul «Jeke tulǵalardyń bankrottyǵy týraly» zańnyń qabyldanýyn qajet etti», dedi Dánııa Espaeva.

Osyǵan baılanysty «Aq jol» fraksııasynyń depýtattary onlaın-kredıtteýge tyıym salýdy usyndy.

Aıana Toǵanbek



Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar