Qazaqstanda ANKA ushqyshsyz ushaqtardy birlesip óndirý týraly kelisimge qazaqstandyq delegasııanyń Ankaraǵa sapary aıasynda «Qazaqstan Injınırıng» UK» AQ Basqarma tóraǵasy Temirjan Ábdirahmanov jáne «Turkish Aerospace» (TUSAŞ) prezıdenti, professor Temel Kotıl qol qoıdy.
Kelisim sheńberinde UUA-taryn birlesip óndirý salasyndaǵy uzaq merzimdi yntymaqtastyq, sondaı-aq Qazaqstan Respýblıkasynyń Qarýly Kúshteri úshin UUA-taryn tehnıkalyq qyzmet kórsetý jáne jóndeý úshin tehnologııalardy berý jáne personaldy oqytý josparlanýda.
Qazaqstan - ANKA drondary óndirisi jolǵa qoıylǵan alǵashqy shet el. TUSAŞ bas dırektory Temel Kotıl jańa kelisim baýyrlas Qazaqstanmen dostyq baılanystardy odan ári nyǵaıtýǵa yqpal etetinin atap ótti.
ANKA barlaý jáne soqqy drondary 2013 jyly Túrkııada qurylyp, urys jaǵdaıynda synaldy. UUA-nyń eń joǵary ushý salmaǵy 1 700 kg, paıdaly júktemeni 350 kg-ǵa deıin kóterýge qabiletti, ushý ýaqyty - eń joǵary bıiktigi 9 000 metrge deıin 30 saǵatqa deıin. Qanatynyń uzyndyǵy 17,5 metr, uzyndyǵy shamamen 8 metr.
