Qazaqstan • 12 Mamyr, 2022

Túrik ınvestorlary Almatydan farmasevtıka zaýytyn salady

20 ret kórsetildi

Almaty qalasynda ekinshi farmasevtıka zaýyty salynady. Qurylysqa túrik ınvestorlary qarjy quıady, dep habarlaıdy Egemen.kz sputnik.kz-ke silteme jasap.

Qazaqstandyq delegasııanyń Túrkııaǵa sapary aıasynda Densaýlyq saqtaý mınıstri Ajar Ǵınııat Nobel Ilac farmasevtıka kompanııasynyń basshysy Hasan Ýlýsoımen jobalardy birlesip iske asyrý máselelerin talqylady.
 
«Búgin Almaty qalasynda ekinshi farmasevtıka zaýytyn salý jónindegi yntymaqtastyq týraly kelisimge qol qoıylýy – densaýlyq saqtaý salasyndaǵy ekijaqty yntymaqtastyqty odan ári jandandyrý, sondaı-aq seriktestik qarym-qatynastarymyzdyń tabysty kórsetkishi», dedi Ajar Ǵınııat kezdesý barysynda.
 
Mınıstr bıyl farmasevtıka ónimderin shyǵaratyn «Nobel AFF» AQ birlesken qazaqstandyq zaýytynyń qurylǵanyna týra 20 jyl tolatynyn eske saldy.
 
«Nobel Ilac kompanııasy qoldanystaǵy óndiristi jańǵyrtýǵa jáne keńeıtýge, sondaı-aq Almaty qalasynda sashe formasyndaǵy preparattar men joǵary tehnologııalyq bıosımılıarlar óndirisi jolǵa qoıylatyn ekinshi farmasevtıka zaýytyn salýǵa qosymsha 55 mln dollar ınvestısııalaýdy josparlap otyr», dep habarlady Qazaqstannyń Densaýlyq saqtaý mınıstrligi.
 
Qazirgi tańda jobanyń smetalyq qujattamasy men tehnıkalyq-ekonomıkalyq negizdemesi ázirlenip jatyr. Olardy 2022 jylǵy birinshi jartyjyldyqtyń sońyna deıin aıaqtaý jáne jobany kezeń-kezeńmen iske asyrý josparlanyp otyr. Joba 2025 jylǵy jeltoqsanda tolyq aıaqtalady dep kútilýde.
 
Sondaı-aq sapar aıasynda Ajar Ǵınııat Almaty qalasynda farmasevtıkalyq preparattardy óndirý boıynsha Atabay Kimya Sanayi Ticaret kompanııasynyń basshysy Zeınep Atabaımen ekijaqty kelisimge qol qoıdy.
 
Mınıstrdiń aıtýynsha, atalǵan kásiporyn biregeı dárilik zattar men medısınalyq buıymdardyń otandyq óndirisin damytýǵa, otandyq farmasevtıka óniminiń eksporttyq áleýeti men ǵylymı jáne kadrlyq áleýetin arttyrýǵa múmkindik beredi.
 
Kelisim aıasynda Atabay Kimya Sanayi Ticaret kompanııasy zaýyt qurylysyna 10 mln dollar ınvestısııalaýdy josparlap otyr. Joba 2023 jyldyń sońyna deıin iske asyrylady. 200-deı jańa jumys orny ashylady.
 
Aıana Toǵanbek
Sońǵy jańalyqtar

Kitaphanashylardyń jalaqysy az

Qoǵam • Búgin, 21:52

Elordanyń damý dańǵyly

Elorda • Búgin, 21:46

Shańyraq shattyǵyn syılaǵan meken

Elorda • Búgin, 21:42

«Nur-Sultan kitaphanasy»

Elorda • Búgin, 21:37

Qattalǵan tarıh qazynasy

Elorda • Búgin, 21:36

Ahańnyń adaldyǵy

Ahmet Baıtursynuly • Búgin, 21:25

Qaraly kezeń kartınasy

Qazaqstan • Búgin, 21:24

«Aıttym. Aıtýǵa tıis boldym!»

Suhbat • Búgin, 21:22

Parıjge syımaǵan Pol

О́ner • Búgin, 21:16

Baıaǵy jartas – sol jartas...

Sport • Búgin, 21:15

Eshkimnen jeńilmegen sańlaqtar

Sport • Búgin, 21:11

Qarttar úıindegi vals

Qoǵam • Búgin, 21:05

«Barys» jańa oıynshymen tolyqty

Hokkeı • Búgin, 21:00

Aqtaýdaǵy «Dombyra-dastan» aksııasy

Aımaqtar • Búgin, 20:47

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar