«Jerdi, onyń qoınaýyn, sýdy, ósimdikter men janýarlar dúnıesin, basqa da tabıǵı resýrstardy halyq menshigi dep jarııalaý usynylyp otyr. Halyq atynan menshik quqyǵyn memleket júzege asyrady. Memlekettik ınstıtýttar tek halyqtyń atynan osy resýrstardy basqarady. Bul jerge jeke menshik rejımine eshqandaı jaǵdaıda áser etpeıtinin eskerý qajet. Iаǵnı jeke menshiktegi jer odan ári jeke menshikte bolady. Sondaı-aq, Konstıtýsııada bılikke qatysty uqsas rejım, ıdeıa bar ekenin atap ótkim keledi. Konstıtýsııa boıynsha bılik halyqqa tıesili. Alaıda halyq óz bıligin memlekettik ınstıtýttar arqyly júzege asyrady», dedi Alma Muqanova.
Onyń aıtýynsha, Konstıtýsııalyq reforma aıasynda el Prezıdentinen ózge de joǵary laýazym ıelerine saıası partııalarǵa múshelik etýine tyıym salý kózdelip otyr.
«Konstıtýsııalyq Sottyń, Joǵarǵy Sottyń jáne ózge de sottardyń tóraǵalary men sýdıalary, Ortalyq saılaý komıssııasynyń, Joǵary aýdıtorlyq Palatanyń Tóraǵasy men músheleri úshin saıası partııada, kásipodaqtarda bolýǵa jáne qandaı da bir partııany qoldaýǵa tyıym salý usynylady», dedi vıse-mınıstr.
Aıana Toǵanbek
