Elorda • 13 Mamyr, 2022

Elorda turǵyndarynyń 82,6%-y MÁMS júıesinde saqtandyrylǵan

40 ret kórsetildi

Áleýmettik medısınalyq saqtandyrý qory halyqtyń medısınalyq saqtandyrý júıesinen tys qalmaýy úshin, halyqty qamtý jumystaryn jalǵastyrýda. Qazirgi ýaqytta Nur-Sultan qalasy boıynsha turǵyndardyń  82,6%-y MÁMS júıesinde saqtandyrylǵan, dep habarlaıdy Egemen.kz Áleýmettik medısınalyq saqtandyrý qorynyń elorda fılıalynyń baspasóz qyzmetine silteme jasap.

Osy jyldyń I toqsanynda  Nur-Sultan qalasy boıynsha MÁMS júıesine qatysýshylar sany 5817 adamǵa kóbeıdi: 2022 jyldyń qańtar aıynda 1 025 256 adam bolsa, 2022 jyldyń 1 sáýirindegi kórsetkish - 1 031 073. Degenmen elorda turǵyndarynyń  217 728-i MÁMS júıesinen tys qalyp otyr.

«MÁMS boıynsha medısınalyq kómek (tolyq tizbemen Qor saıtynda myna silteme boıynsha tanysýǵa bolady: https://fms.kz/kz/useful-to-know/chto-mozhno-poluchit-besplatno-osms/) «SAQTANDYRYLǴAN» mártebesi bar azamattarǵa kórsetiledi. Bul rette 15 jeńildik sanatyndaǵy 11 mln adamǵa memleket jarna tóleıdi. Bul adamdar saqtandyrylǵan jáne qosymsha aqysyz medısınalyq kómek alýy tıis.

Saqtandyrylmaǵan azamattarǵa medısınalyq qyzmet tek tegin medısınalyq kómektiń kepildik berilgen kóleminde ǵana kórsetiledi, oǵan shuǵyl jaǵdaılarda medısınalyq kómek, ýchaskelik mamannyń qabyldaýy, shuǵyl operasııalar, áleýmettik máni bar aýrýlardy emdeý, t.b. (tolyq tizbemen Qor saıtynda myna silteme boıynsha tanysýǵa bolady: https://fms.kz/kz/useful-to-know/chto-mozhno-poluchit-besplatno-gomb/) kiredi», dep túsindirdi Áleýmettik medısınalyq saqtandyrý qorynyń elordadaǵy fılıalynyń dırektory Nurlybek Qabdyqaparov.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar