Elorda • 13 Mamyr, 2022

Elordada «Mýzeı túni» aksııasy ótedi

52 ret kórsetildi

18 mamyr kúni astana turǵyndary men qonaqtary Ulttyq mýzeıge tegin kirip, ondaǵy qundylyqtardy tamashalaı alady, dep habarlaıdy Egemen.kz.

Bıyl dástúrli, mádenı-tanymdyq shara «Mýzeı qudireti» atty taqyrypta ótedi. Elorda jurtshylyǵy 18 mamyr kúni saǵat 18:00-den túni 00:00-ge deıin Ulttyq mýzeıde ótetin aıtýly sharanyń kýási bola alady.

Uıymdastyrýshylardyń aıtýynsha, atalǵan sharanyń maqsaty – mádenı qundylyqtardy, halqymyzdyń tarıhyn, mádenıetin bir keńistikke biriktire otyryp, ár túrli janr men stıldegi óner týyndylaryn kópshilik nazaryna usyný.

Sondaı-aq mýzeı qyzmetin, ondaǵy eksponattar men jádigerlerdi keńinen nasıhattaý.

«Mýzeı túni» sharasy Qorǵanys mınıstrligi men ulttyq Ulan orkestriniń saltanatty defılesimen bastalady. Sonymen qatar ishki atrıýmda «Astana opera» teatrynyń qoıylymy usynylady. Odan ári «Astana sırki» ónerpazdarynyń qoıylymyna jalǵasady. Sol sııaqty Erkeǵalı Rahmadıev atyndaǵy memlekettik akademııalyq fılarmonııanyń konserti josparlanyp otyr», dedi QR Ulttyq mýzeıiniń BAQ-pen baılanys bóliminiń qyzmetkeri Dıdarhan Qurmanǵazyuly.

Sondaı-aq mýzeıge kelýshiler qolóner sheberleri jasaǵan buıymdar jármeńkesine qatysyp, otandyq klassık sýretshilerdiń týyndylaryn tamashalaı alady.

«Odan bólek, «Juldyzdy gıd» jobasy aıasynda Beıbit Qorǵan, Rýhııa Baıdúkenova, Aqerke Tájibaeva, Ádilhan Makın jáne taǵy basqa óner juldyzdary kelýshilerdi mýzeı zaldarymen tanystyrady», deıdi ol.

Eske sala ketsek, elimizde «Mýzeı túni» aksııasy alǵash ret 2015 jyly uıymdastyryldy. 2020 jáne 2021 jyly pandemııaǵa baılanysty atalǵan shara onlaın formatta ótti. Araǵa 2 jyl salyp, bıyl dástúrli formatta ótpek.

Aıta keteıik, jyl saıyn 18 mamyrda halyqaralyq mýzeı kúni atalyp ótiledi. Onyń aıasynda álem elderinde «Mýzeı túni» aksııasy uıymdastyrylady.

Sońǵy jańalyqtar

О́rleýge bastaıtyn ózgeris

Referendým-2022 • Keshe

Altyn satyp alýdyń mańyzy

Ekonomıka • Keshe

Kókeıkesti máseleler tyńdaldy

Referendým-2022 • Keshe

Assambleıa jastary reformany qoldaıdy

Referendým-2022 • Keshe

Qan qysymy «jasaryp» barady

Medısına • Keshe

Ult ustazyna bókeılikterdiń qurmeti

Ahmet Baıtursynuly • Keshe

Aıdynǵa aqsaqa jiberildi

Aımaqtar • Keshe

Taýpisteli taǵylymy

Aımaqtar • Keshe

Talant rýhyna taǵzym

О́ner • Keshe

Aktrısa – aqtarylý

О́ner • Keshe

Yryzdyq joryǵynyń jampozdary

Aımaqtar • Keshe

Uqsas jańalyqtar