«Sberbank» pen VTB ınvestor izdeıdi

«Shekteýlerdiń bankter qyzmetine aıtar­lyqtaı áser etetinin túsinip, «Sberbank Qa­zaqstan» men «VTB Qazaqstan» bank ıe­le­rin aýystyrý úshin jańa ınvestor izdeý jumystaryn júrgizip jatyr. Bankterdi satyp alatyn áleýetti ınvestor anyqtalǵannan keıin bankterdi sanksııalyq tizimnen shyǵarýǵa baılanysty AQSh ókiletti organdary tarapynan ruqsat alý máselesine oraı agenttik qajetti sharalardy kórsetedi. Qazaqstandaǵy úsh reseılik bank klıentteriniń shottarynda buǵattalǵan soma kólemi – 3 mlrd teńge. Sáıkesinshe, qaryz alýshylar ózderi jumys júrgizýge tıis. Eger olar sanksııalyq tulǵaǵa jatpaıtyn bolsa, onda olardyń aktıvteri buǵattan sheshiledi. Olar AQSh Qarjy mınıstrligine tıesili sheteldik aktıvterdi baqylaý basqarmasyna júgine alady. Osylaısha, olar óz aktıvterin bosatady», dep túsindirdi Qarjy naryǵyn retteý jáne damytý agenttiginiń basshysy Mádına Ábilqasymova.

Buǵan deıin «Báıterek» holdınginiń «Sberbank Qazaqstanǵa» qyzyǵýshylyq tanyt­qa­nyn jáne holdıngtiń enshiles bankti Eý­ro­pa qaıta qurý jáne damý bankimen birlese otyryp satyp alýy múmkin ekenin jazǵan edik. Sońǵy aqparattar boıynsha «Sberbank Rossııa» da qazaqstandyq enshiles bankin satý joldaryn izdestirip jatyr. «Biz Qazaqstandaǵy enshiles bankti satyp alý boıynsha túrli usynys alyp jatyrmyz jáne Reseı, Qazaqstan, sondaı-aq Túrkııa, Qytaı, BAÁ elderiniń ınvestorlarynan da qyzyǵýshylyq bar», depti qarjy ınstıtýtynyń baspasóz qyzmeti.

«Sberbank Qazaqstannyń» kóp uzamaı satylaryna kúmán keltirýge bolmas. О́ıtkeni bank Qazaqstan naryǵyndaǵy asa iri, qýatty oıynshylardyń biri de biregeıi boldy. Nesıe portfeliniń, rezervteri men kapıtalynyń sapasy boıynsha da úzdik qarjy uıymy sanalady jáne ótimdiligi ár kez joǵary baǵalanady. Bank buǵan deıin óziniń 330 mlrd teńge kólemindegi nesıe portfelin Halyk Bank-ke satty. Atalǵan kelisim aıasynda Qazaqstan Damý Bankiniń jeńildetilgen nesıe baǵdarlamasy aıasynda rásimdelgen avtonesıe, ıpotekalyq kredıt jáne shuǵyl qajettilikke oraı alynǵan zaımdar aýysty. Sonymen qatar eki bank arasynda shaǵyn jáne orta bıznes sektoryndaǵy 7 500 kásiporynǵa zaım berý boıynsha mámile jasaldy. Soǵan oraı «Sberbank Qazaqstannyń» 105 mlrd teńge kólemindegi jáne «Damý» qorynyń memlekettik baǵdarlamasy boıynsha berilgen 4,9 mlrd teńge somadaǵy kommersııalyq port­feli Halyk Bank-ke berildi.

Buǵan deıin AQSh Qarjy mınıstrligi sheteldik aktıvterdi baqylaý basqarmasy (Office of Foreign Assets Control – OFAC) «Sberbank» AQ EB-men satyp alý kelisiminiń merzimin 2022 jyldyń 13 sáýirinen 2022 jyldyń 12 shildesine deıin uzartatyn lısenzııany jarııalaǵan edi. Iаǵnı atalǵan merzim ishinde bank shtattyq rejimde jumys isteıdi, al onyń klıentterine teńge jáne rýbldegi kez kelgen somadaǵy tólemder men aýdarymdar (salyq, baj salyǵy, áleýmettik aýdarymdar, t.b.) operasııasy qoljetimdi bolady.

Osyǵan deıin «Bank SentrKredıt» reseılik enshiles «Alfa-Banktiń» 100 paıyz aksııasyn satyp alyp, óziniń jeke qarajaty esebinen satylymdy tolyqtaı júzege asyrǵan edi. Qaıta tirkeýden ótkennen keıin bank ECO BANK jańa brendimen naryqtaǵy jumysyn jalǵastyrmaq. Qazirgi klıentteri úshin barlyq bank ónimderiniń sharttary burynǵy qalpynsha qala beredi. Bank sanksııalyq tizimnen shyǵarylǵannan keıin klıent­terge barlyq bank qyzmetteri qoljetimdi bolmaq. Satyp almas buryn BSK «Alfaǵa» qatysty óziniń bes jyldyq bıznes-josparyn usynǵan.