Bilim • 18 Mamyr, 2022

Pedagogterdi baǵalaýda jetistikke jetken oqýshylardyń nátıjesi nazarǵa alynady

55 ret kórsetildi

Pedagogterdiń qyzmetin baǵalaý kezinde de úlgerimi nashar oqýshylarmen jumys istegenine emes, dástúrli túrde jetistikke jetken oqýshylarynyń nátıjesine kóbirek nazar aýdarylady. Bul týraly Bilim jáne ǵylym mınıstri Ashat Aımaǵambetov óziniń Facebook paraqshasynda jazdy, dep habarlaıdy Egemen.kz.

«Bilim berýdiń mańyzdy aspektileriniń biri – ınklıýzıvtilik. Ártúrli toptaǵy oqýshylarǵa, sonyń ishinde múmkindigi shekteýli balalarǵa, qıyn ómirlik jaǵdaıdaǵy otbasy balalaryna jáne t.b. qoldaý kórsetý bizdiń jumysymyzdyń basym baǵyty. Biz erekshe bilim berý qajettilikteri bar balalardy ınklıýzııa boıynsha qamtý úshin keshendi jumys júrgizemiz», deıdi mınıstr.

Onyń sózinshe, kóptegen zertteý daryndy oqýshylardy ǵana emes, sonymen qatar áleýmettik osal toptaǵy balalardy da qoldaýdyń mańyzdylyǵyn kórsetedi. Elimizde daryndy balalardy qoldaý baǵytynda aýqymdy jumystar atqarylyp jatqanyn da aıta ketken jón. Joǵary oqý oryndaryna irikteý júıesi, ýnıversıtet granttaryn bólý, daryndy balalarǵa arnalǵan arnaıy mektepter, túrli olımpıadalar, baıqaýlar ótkizý jáne t.b. Pedagogterdi baǵalaý kezinde de úlgerimi nashar oqýshylarmen jumys istegenine emes, dástúrli túrde jetistikke jetken oqýshylarynyń nátıjesine nazar kóbirek aýdarylady. Árıne ony ádil dep aıtýǵa bolady. Emtıhan tapsyryp, eń joǵary ball alǵan, ıaǵnı eń myqtysy jeńiske jetedi dep. Biraq ata-analar daryndy balalarǵa arnalǵan mektepterge túsý úshin repetıtor kómegine júginip jatatyny da jasyryn emes. Ádette áleýmettik-ekonomıkalyq jaǵdaıy tómen otbasylardyń múmkindikteri birdeı emes. Bul merıtokratııanyń «qarańǵy» tusy.

Teorııalyq jaǵynan irikteý barlyǵyna teń jáne ádil qoljetimdilikti qamtamasyz etýi kerek, biraq irikteý júıesi áli de tolyqtyrýdy qajet etetinin kórip otyrmyz. Sondaı-aq bul jerde merıtokratııa men ınklıýzıvtiliktiń tepe-teńdigin saqtaý mańyzdy», delingen jazbada.

 

Sońǵy jańalyqtar

Dollar arzandady

Qarjy • Keshe

Uqsas jańalyqtar