Qoǵam • 18 Mamyr, 2022

Konstıtýsııalyq sotqa júginý múmkindikteri keńeıedi

50 ret kórsetildi

Quqyq ústemdigi salasynda eń iri ózgeristerdiń biri – Konstıtýsııalyq sot qurý. Bul týraly Konstıtýsııalyq keńestiń apparat basshysy, Konstıtýsııaǵa engiziletin ózgerister men tolyqtyrýlar jóninde usynystar daıyndaý boıynsha jumys tobynyń múshesi Baqyt Nurmuhanov málim etti, dep habarlaıdy Egemen.kz.

«Memlekettik mańyzy bar ózgeristerdiń taǵdyryn Qazaqstan azamattary sheshpek. Bul - álemdik tájirıbede qalyptasqan eń demokratııalyq jol. Osy joly referendým tańdalyp otyr. Qazaqstanda referendým buryn eki ret ótkizilgen. Shetel tájirıbesinde de referendým ınstıtýty keń taraǵan. HIH ǵasyrdan beri Shveısarııada 500-den astam referendým ótken. Bul jerdegi maqsat – taǵdyrsheshti memlekettik sheshimderdi halyqtyń tikeleı qatysýy arqyly qabyldaý. Aldaǵy aptalardyń ishinde árbir Qazaqstan azamaty usynylyp otyrǵan konstıtýsııalyq ózgeristerdiń máni men mazmunyn, bolashaqtaǵy rólin tereń túsingeni jón», dedi B. Nurmuhanov Ortalyq kommýnıkasııalar qyzmetinde.

Osy oraıda ol zań jobasynda kózdelgen ózgeristerdi birneshe baǵytqa bólýge bolatynyn atap ótti.

«Bul turǵyda qoǵam men memleketti odan ári demokratııalandyrý, quqyq ústemdigin nyǵaıtý, sondaı-aq saıası júıeni túbegeıli jańǵyrtý eskerilgen. Osy iri bloktardyń ishinde jekelegen toptarǵa shoǵyrlanǵan normalardy ataýǵa bolady. Quqyq ústemdigi salasynda eń iri ózgeristerdiń biri – ol Konstıtýsııalyq sotty qurý. Qazirgi kezde Konstıtýsııalyq sot álemniń 70-ten astam memleketinde jumys istep tur. Bul ınstıtýt Eýropa elderinde, Latyn Amerıkasy, Afrıka jáne TMD keńistiginde keń taraǵan», dep toqtaldy jumys tobynyń múshesi.

Baqyt Nurmuhanov 1995 jyly qoldanystaǵy Konstıtýsııaǵa sáıkes Konstıtýsııalyq keńes qurylǵanyn, osy 27 jyldyń ishinde bul keńes óziniń berilgen ókilettikteriniń aıasynda quqyqtyq memleket ustanymdaryn ornyqtyrý salasyna laıyqty úlesin qosqanyn aıtty.

«Alaıda zaman aǵymy jańa talaptar qoıyp otyr. Konstıtýsııalyq sottyń úlken ereksheligi – oǵan azamattar, zańdy tulǵalar jáne basqa da qoǵam ókilderi júgine alady. Bul ózgeristi halyq únine qulaq asatyn memleket tujyrymdamasyn engizýdiń bir nysany retinde qarastyrǵan jón. Jalpy Konstıtýsııalyq sot kelesi jyldyń basynan jumys isteı bastaıdy. Árbir Qazaqstan azamatynyń belgili bir daýdy sheshý kezinde qoldanylatyn zańnyń ári ózge de normatıvtik-quqyqtyq aktiniń Ata Zańnyń talaptaryna sáıkestigi turǵysynan kúmáni bolǵan jaǵdaıda, tikeleı Konstıtýsııalyq sotqa júginý quqyǵyna ıe bolady. Qazirgi kezde Konstıtýsııalyq keńeske 6 sýbekt júginse, endi Konstıtýsııalyq sotqa 9 sýbekt júgine alady. Iаǵnı, azamattar Konstıtýsııalyq sotqa tikeleı ózderi, ombýdsmen, Bas prokýror nemese jalpy sottar arqyly júgine alady. Osy oraıda, óz quqyqtary men zańdy múddelerin qorǵaýdyń kepilderiniń sany artady», dedi B. Nurmuhanov.

Sońǵy jańalyqtar

ShQO-nyń Samar aýdanyna ákim taǵaıyndaldy

Taǵaıyndaý • Búgin, 19:33

Oral qoqys astynda qalýy múmkin

Aımaqtar • Búgin, 16:47

Dollar qaıta qymbattady

Qarjy • Búgin, 15:58

Almatydaǵy órtten tórt adam qutqaryldy

Aımaqtar • Búgin, 15:40

Almatyda Pfizer vaksınasyna suranys artty

Koronavırýs • Búgin, 14:50

Uqsas jańalyqtar