Qarjy • 19 Mamyr, 2022

Nesıe berýdegi belsendilik

36 ret kórsetildi

Bıyl naýryz aıynda ekinshi deńgeıli bankterdiń qaryz portfeli 0,7 paıyzǵa artyp, 20,45 trln teńgege jetken. Sarapshylardyń aıtýynsha, bankter jeke jáne zańdy tulǵalarǵa belsendi nesıe kómegin jasap jatyr. Bólshek segmentte kepilsiz nesıe alý prosesi tolyqtaı avtomat­tan­dyrylǵan. Klıentter tutynýshylyq nesıelerdiń 50 paıyzyn mobıldi qosymsha arqyly alýǵa mashyqtanǵan.

Nesıe belsendiligin saqtaǵan bankter arasynda ForteBank (+10,9 paıyz, 1,02 trln teńge) kósh bastaıdy. Banktiń jyldyq dınamıkadaǵy kórsetkishi de joǵary (+30,9 paıyz). Úzdik ondyqtaǵy bankter arasynan zaım kóleminiń aılyq ósimi boıynsha ekinshi orynda «Eýra­zııalyq bank» tur (+6,2 paıyz, 801,9 mlrd teńge). Jyldyq dınamıkada qarjy ınstıtýty 28,2 paıyz ósim kórsetken. Úshinshi orynda – aılyq 6,2 paıyzdyq ósimmen «Bank SentrKredıt». Qarjy ınstıtýtynyń halyqqa bergen nesıe kólemi 1,31 trln teńgege jetken. Bir jyl ishinde bank qaryz portfelin 18,2 pa­ıyzǵa deıin ulǵaıta alǵan. Bul bank­tiń birer apta buryn ǵana re­seılik enshiles «Alfa-Bankti» satyp alyp, ony Eco Bank jańa brendimen qaıta tir­keý­den ótkizgenin de aıta keteıik.

Aılyq dınamıkada oń ósim kórsetkender ishinde Halyk Bank (+2,7 paıyz) pen Jusan Bank te (+1,6 paıyz) bar. Al sońǵy birer aı kóleminde sanksııa saldarynan jaǵdaıy ýshy­ǵyp, aksıonerlerin aýysty­rý­ǵa májbúr bolǵan «Sberbank Qazaqstan» men «Alfa-Banktiń» naýryz aıynda qaryz portfelderi mınýs 4,6 jáne mınýs 2,1 paıyzǵa tómendep ketken. Basyna mundaı jaǵdaı túspese de Kaspi Bank (mınýs 2,3 paıyz) pen «Otbasy banktiń» de (mınýs 1,5 paıyz) qaryz portfeli keri ketken.

Al qaryz portfelindegi merzimi ótken bereshekterdiń úlesi sáýir aıynda 6,6 paıyzdy qurapty. Bir aı buryn – 6,8 pa­­ıyz, jyl buryn 10,6 paıyz bolǵan. Somaǵa shaqqanda – 1,34 trln teńge. Jalpy, tólen­begenine 90 kúnnen asqan nesıeler úlesi búkil zaım portfeliniń 3,6 pa­ıyzyn quraıdy. Bir aı buryn – 3,5 paıyz, jyl buryn 7,1 paıyz bolǵan. Somaǵa shaqqanda – 729,2 mlrd teńge.

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar