Ýlanǵan sarbazdyń sany 52-ge jetti

«Sáýir bolmaı táýir bolmas», degen maqal qyzylordalyq sarbazdardyń sıpatyn ashpaı tur. El gazetiniń betinde Qy­zyl­ordadaǵy №55/47 áskerı bóliminiń 36 sarbazy ýlanyp, oblystyq juqpaly aýrýlar aýrýhanasyna túskenin jazǵanbyz. Endi olardyń sany 52-ge jetip otyr. Aýrýhanaǵa jatqyzylǵan áske­rı qyzmetshiler tolyqqandy tıisti em qabyldaýda jáne maman-dárigerler men medısınalyq qyz­metkerlerdiń turaqty baqy­laýyna alynǵan. Olardyń hal-jaǵdaıy qalypty jaǵdaıda, deıdi dárigerler. Áskerı bólim qyzmetshilerin oblystyq juqpaly aýrýlar aýrýhanasynyń ın­fek­sıonıst-dárigerleri tarapy­nan medısınalyq baqylaý uıymdastyrylǵan. Búginde olar dárigerlerdiń baqylaýyna alynǵan. Osyǵan deıin áskerı bólimde aýyz sý, tamaq ónimderine bak­terıologııalyq zertteýler úshin saraptama jasalǵan bolatyn. Sonymen qatar, syrtqy sý-qubyr júıelerine tehnıkalyq tekseris júrgizildi. Búgingi tańda epıdemııaǵa qar­sy barlyq tıisti sharalar qolǵa alynyp, sanıtarlyq-epıde­mıo­logııalyq jaǵdaıdy baqylaý qatań qadaǵalanyp otyr. Erjan BAITILES, «Egemen Qazaqstan». QYZYLORDA.