Qarjy • 23 Mamyr, 2022

Turǵyndar qandaı depozıtke kóbirek senedi?

34 ret kórsetildi

Ulttyq bank málimetinshe, jyl basynan beri bankterdegi depozıt kólemi 312 mlrd teńgege tómendegen. 2022 jyldyń 1 qańtaryndaǵy jaǵdaı boıynsha depozıtterde 13,4 trln teńge jatsa, 1 sáýirde onyń kólemi 13,1 trln teńgege deıin azaıǵan.

Osylaısha, jyl basynan beri halyqtyń bankterdegi salymy 2,2 paıyzǵa nemese 312,1 mlrd teńgege azaıyp qalǵan. Qazaqstandyqtar aqsha­synyń negizgi bóligin dástúrli túrde shuǵyl depozıtterde saqtaıdy. Onyń kólemi qazir 9,71 trln teńgeni quraıdy, jyl bastalǵaly 2,2 pa­ıyz­ǵa azaıypty (2022 jyldyń 1 qańtarynda 9,93 trln teńge bolǵan).

Kólemi boıynsha kelesi orynda talap etýge deıingi depozıtter men aǵymdaǵy shottar tur – 2,28 trln teńge (-5 paıyz) jáne jınaqtaýshy depozıtter – 1 trln teńgeden asady (+2,8 paıyz). Shartty depozıtterdegi aqsha kólemi 9,7 paıyzǵa, 4,5 mlrd teńgeden 4,06 mlrd teńgege deıin tómendegen.

Sondaı-aq azamattardyń kóbi salymyn teńgemen saqtaǵandy jón kóredi. Qazirgi kezde 8,3 trln teńge ulttyq valıýtamen, 4,7 trln teńge shetel valıýtasymen saqtaýly tur. Soń­ǵy ýaqyttary Qazaqstanda teń­geleı depozıtter boıynsha stavka ulǵaıdy. Bul bazalyq mólsherlemeniń 13,5-ten 14 paıyzǵa deıin joǵarylaýymen baılanysty.

Salym jınaý jaǵynan 22 banktiń 18-inde ósim bar. Ekinshi deńgeıli bank­ter ishinde jyldyq ósim turǵysynan kósh basynda Bank RBK (351 mlrd teńge), «Otbasy bank» (2,09 trln teńge) jáne Altyn Bank (211,3 mlrd teńge) qarjy ınstıtýttary tur. Jal­py, depozıt portfelindegi jeke tulǵa salymdarynyń úlesi 51 pa­ıyzǵa jetken.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar