Qarjy • 24 Mamyr, 2022

Aqsha-nesıe saıasaty qatańdaýy kerek pe?

42 ret kórsetildi

Qazaqstan Qarjygerler qaýymdastyǵy analı­tı­kalyq ortalyǵy qarjy naryǵy kásibı qatysý­shylary arasynda júrgizilgen kezekti saýalda­masynyń qorytyndysyn jarııalady. Saýaldama aıasynda monetarlyq saıasat qatańdaýy qajet pe degen saýalǵa da jaýap aıtyldy.

«Munaıdyń joǵary baǵasy, ulttyq valıýta kýrsyn turaqtandyrýǵa arnalǵan qadaǵalaý sharalary fonynda, sondaı-aq alda kele jatqan (20-25 mamyr) salyq kezeńi qarsańynda sarapshylardyń ulttyq valıýta kýrsyna baılanysty kútýleri birshama jaqsardy. Saýaldama qatysýshylary bıylǵy maýsym aıynyń basynda teńge-dollar kýrsy 448,3 teńgeni quraıdy dep boljaıdy. Al bir aı buryn 472,9 teńge dep kútilgen. Tól valıýta kýrsyna qatysty bir jyldan keıingi kútilim negatıvti – 484,0 teńge (+8,7 paıyz) mejesinde dep boljanady. Áli de bolsa saqtalyp otyrǵan geosaıası qysym, álemdik naryqtaǵy qubylmalylyq, damyǵan elderdiń aqsha-nesıe saıasatyn qatańdatýy aıasynda ınvestorlardyń damýshy elderdegi aktıvterden kete bastaýy aldaǵy 12 aıda teńgege qysym kórsetýi múmkin», deıdi sarapshylar.

Analıtıkter bir jyldan soń da munaı baǵasy qazirgi deńgeıinde – barreline 104,4 dollar bolady dep boljaıdy. Usynys pen suranys tepe-teńdiginiń ornyqsyzdyǵy, naryqtaǵy qu­bylmalylyq qara altyn baǵasyn joǵary kú­ıinde ustap turmaq. Eldegi ınflıasııalyq qysymnyń kúsheıýi aıasynda (sáýirde 13,2 paıyz) jáne álem­dik ekonomıkadaǵy proınflıasııalyq qysym jaǵ­daıynda ınflıasııa boıynsha ortasha baǵalaý 11,7 paıyz deńgeıinde (bir jyl buryn 9,4 paıyz bolǵan) toqtaıdy.

«Kezekti ret bazalyq stavkany 14,0 paıyzǵa deıin kótergennen keıin kóptegen sarapshy (69 paıyzy) aqsha-nesıe saıasaty qazirgideı saqtalady dep esepteıdi. Bul rette sarapshylardyń 25 paıyzy bazalyq stavka 14,5-15 paıyzǵa deıin joǵarylaıdy dep kútedi», delinedi saraptamada.

Sarapshylardyń Qazaqstan IJО́-niń ósimi boıynsha kútýleri 3,0 paıyzǵa deıin tómendegen. Jahan­­daǵy logıstıkalyq tizbekterdiń áli qalyp­qa kelmeı turǵandyǵy, sonymen qatar álemdik eko­­no­mıkanyń baıaýlaýy bizdiń de ishki jalpy óni­mi­mizdiń tómendeýine áserin tıgizbek.

Sońǵy jańalyqtar

Dollar arzandady

Qarjy • Keshe

Uqsas jańalyqtar