Qazaqstan • 24 Mamyr, 2022

Shardara sý qoımasyna keletin sý kólemi ulǵaıdy

21 ret kórsetildi

Ekologııa, geologııa jáne tabıǵı resýrstar mınıstri Serikqalı Brekeshevtiń aıtýynsha, bıyl Shardaraǵa 5 mlrd tekshe metr sý jınaýǵa múmkindik bar. Buǵan byltyr qarasha aıynan bastap qolǵa alynǵan sharalar men qolaıly klımattyq jaǵdaı yqpal ete alady, dep habarlaıdy Egemen.kz.

«Shardara sý qoımasyna vegetasııa kezeńindegi aǵyn 3,9 mlrd tekshe metrdi quraýǵa tıis. Bul vegetasııa kezeńin shyǵynsyz ótýge múmkindik beredi. Shý jáne Talas ózenderiniń basseınin sýmen qamtamasyz etý boıynsha jaǵdaı turaqty. Shý-Talas sý sharýshylyǵy komıssııasynyń HHH otyrysynda memleketaralyq kanaldar boıynsha Talas ózeniniń basseıni arqyly 500 mln, Shý ózeniniń basseıni arqyly 220 mln tekshe metr sý berý kestesine qol qoıyldy. Sondaı-aq gıdrologııalyq boljamdardyń negizinde Syrdarııa transshekaralyq ózeniniń basseıninde kúrdeli sý sharýashylyǵy jaǵdaıy túzilgen. Biraq qabyldanǵan is-sharalar jáne qolaıly klımattyq jaǵdaıdyń arqasynda ahýal turaqtandy. Osylaısha Shardara sý qoımasyna keletin sý kólemi 2,5 ese ulǵaıdy», dedi mınıstr Úkimet otyrysynda.

Onyń aıtýynsha, bul Shardara sý qoımasynyń 5 mlrd tekshe metrge deıin toltyrýǵa jáne osy kezde Kóksaraı qarymta rettegishine 822 mln tekshe metrge deıin sý jınaýǵa múmkindik bergen.

«Atalǵan kezeńde Shardara sý qoımasyna shamamen 1,5 mlrd tekshe metr sý kelip tústi. Osylaısha vegetasııa bastalar aldynda Syrdarııa ózeniniń arnasyn toltyrý, sýarmaly alqaptardy ylǵaldandyrý, kól júıeleri men shabyndyq jerlerdi sýlandyrý júzege asty», dedi Serikqalı Brekeshev.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar