Qazaqstan • 24 Mamyr, 2022

Qyzylordada 214 memlekettik qyzmetshi jaýapqa tartyldy

67 ret kórsetildi

Qyzylorda oblysynda memlekettik satyp alý zańnamasyn buzǵan 214 memlekettik qyzmetshi jazalandy, dep habarlaıdy Egemen.kz.

«Memlekettik satyp alýdy negizsiz bir kózden alý faktisi anyqtaldy. Atap aıtqanda, Aral aýdandyq qurylys bólimi birqatar jumys pen qyzmetti satyp alýǵa zańsyz tikeleı bir kózden shart jasaýǵa júıeli túrde jol bergen. Bul bólim 2019-2021 jyldary 1 mlrd 400 mln teńgege zańsyz 54 shart jasaǵan. Onyń ústine atalǵan qyzmetterdi tek belgili bir tulǵadan alyp kelgen. Oblys prokýratýrasynyń qadaǵalaý aktisi boıynsha vedomstvolyq baqylaý júrgizbegeni úshin Aral aýdanynyń ákimi men onyń orynbasary tártiptik jazaǵa tartyldy. Al bólim basshysyna 8 mln teńge ákimshilik aıyppul salynyp, qyzmetinen bosatyldy», dedi Qyzylorda oblysy prokýratýrasynyń basqarma basshysy Aıdos Ábdibaev.

Osy jyldan bastap «Memlekettik satyp alý týraly» zańǵa birqatar ózgerister engizildi. Onda bir kózden memlekettik satyp alý tek basqa tásilmen satyp alý múmkin bolmaǵan aıryqsha jaǵdaıda júzege asyrylatyny kórsetilgen.

«Atalǵan ózgeristerge qaramastan bıyl 19 kent pen aýyl ákimdikteri zańsyz 459 mln teńgege bir kózden 108 shart jasaǵany anyqtaldy. Tereńózek kenti ákimdigi 224 mln teńgege 39 negizsiz shart jasaǵan. Osyndaı zańbuzýshylyqtar Qazalyda 90, Jalaǵashta 46, Qarmaqshyda 52, Shıelide 24, Jańaqorǵan aýdanynda 4 mln teńgeni quraǵan. О́z kezeginde atalǵan memlekettik satyp alýlar basqa da áleýetti ónim berýshiler arasynda báseke ornatyp, baǵa usynysyn suratý nemese konkýrs tásilimen júrgizý qajet. Sondyqtan prokýratýra tarapynan negizsiz jasalǵan sharttardyń kúshin joıý jáne laýazymdy adamdardyń jaýaptylyǵyn qaraý úshin qadaǵalaý aktileri engizildi», dedi Aıdos Ábdibaev.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar