Qaraǵandylyq balany dıetamen ustaý úshin jylyna 2,2 mln. teńge qajet

Qaraǵandy qalasynyń 5 jasar turǵyny Beıbit Beknazarov genetıkalyq aýrý túrleriniń ishindegi eń sırek kezdesetinine (gomosıstınýrııa) dýshar bolǵan elimizdegi jalǵyz bala. Onyń mı jáne júrek-qan tamyrlarynyń jumysyna kádimgi taǵamdar keri áserin tıgizýi ábden múmkin. Bul týraly «Ekspress K» habarlady. Balany aman saqtaýdyń bir joly – ony ómir boıy dıeta boıynsha qorektendirý. Biraq ol úshin mol qarjy kerek. Beıbit - otbasynyń tórtinshi perzenti. Oǵan bul dıagnoz 2014 jyldyń aqpanynda AQSh-tyń Chıkago qalasyndaǵy dıagnostıkalyq zerthanada qoıylǵan. Qaraǵandy oblysynyń bas balalar dárigeri Natalıa Dúısembaevanyń aıtýynsha, ázirge balaǵa dıagnoz qoıylǵanymen, onyń emi tabylmaı otyr. Balany dıeta boıynsha tamaqtandyrý úshin arnaıy amınqyshqylmen baıytylǵan untaq jáne meıilinshe emdik qasıetteri mol azyq-túlikter kerek. Al mundaı qorektiń bir qutysy 80 myń teńge turady. Demek, Beıbittiń dıetalyq turǵyda tamaqtandyrý úshin 2,2 mln. teńge qajet. Osyǵan baılanysty Qaraǵandy oblystyq densaýlyq saqtaý basqarmasy atalmysh oblystyń depýtattaryna ótinishpen shyqty. Bul ótinishte Beıbitke qajetti dıetalyq taǵamdy halyqqa tegin berilýi tıis dári-dármekterdiń tizimine engizý suralǵan. Bul habardy estigen oblystyq máslıhat depýtattary jedel túrde ún qatty. Depýtattar osy jaǵdaıǵa baılanysty oblystyq máslıhattyń kezekten tys sessııasyn shaqyryp, tıisti qujattarǵa ózgertýler engizdi. Nátıjesinde Beıbit ómir boıy aǵzasyna qajetti, quny qymbat dıetalyq taǵammen qamtamasyz etiletin boldy. Joldybaı Bazar. Derekkóz: «Ekspress K». Foto: Strongside.ru.