Qyrǵyzstannyń tústiginde mektepti ordaly jylan basyp qaldy

Qyrǵyzstannyń Osh oblysyndaǵy aýyl mektepteriniń birinde jylandar paıda bolyp, mekemeni jabýǵa týra keldi. Bul týraly Qyrǵyzstan tótenshe jaǵdaılar mınıstrligine silteme jasaǵan Rosbalt.ru habarlady. Tótene jaǵdaılar mınıstrliginiń málimetine qaraǵanda, orta mekteptiń ishinde kúnine 20-30 shaqty jylan órip júredi eken. Jergilikti turǵyndar veterınarııa basqarmasy men sanıtarlyq epıdemııany baqylaıtyn organǵa shaǵymdanǵanymen, tıisti kómek ala almaǵan. Degenmen, aýylǵa tótenshe jaǵdaılar mınıstrligi oblystyq basqarmasynyń basshysy kelip, jaǵdaımen tanysqan soń, oqýshylar men muǵalimderge qaýip tónbes úshin bilim ordasyn ýaqytsha jabýǵa sheshim qybldapty. Endi mamandar atalmysh aýdandy tolyq tekserip, mektepti jylandardan tazartqannan keıin, 150-ge jýyq oqýshysy bar bilim ordasy óz jumysyn jalǵastyratyn bolady. Aıdar О́risbaev. Derekkóz: Rosbalt.ru. Foto: Reuters.com.