«Kelesi jyldan bastap «Altyn belgi» úmitkerlerine qoıylatyn talaptar kúsheıtiledi. Birinshiden, orta jalpy bilim berýdiń baǵdarlamasyna sáıkes 10, 11-synyptarda oqý kezeńine toqsanda, bir jylda jáne qorytyndysynda «5» degen baǵa bolýy kerek. Sondyqtan kelesi jyly 10-11-synyptarda tek jyldyq jáne qorytyndy baǵalar ǵana emes, toqsandyq baǵa da esepke alynady. Ekinshiden, Nazarbaev Zııatkerlik mektepteri bazasynda jalpy orta bilim berýdi aıaqtaǵannan keıin «Algebra» páni boıynsha qorytyndy attestattaýdan ótý qajet», dedi Jomart Qarambaev onlaın brıfıng barysynda.
Baıandamashy qalǵan tórt pándi ózderi oqyǵan mektebinde tapsyratynyn jáne úshinshi talap boıynsha úmitkerdiń negizgi bilimi týraly úzdik attestat bolýy kerek ekenin aıtty.
Bilim jáne ǵylym mınıstrliginiń ókili «Altyn belgige» qoıylar talaptyń kúsheıýi, olardyń sanynyń azaıýyna ákeletinin jetkizip, bilim sapasy máselesi aldyńǵy qatarǵa qoıylatynyn basyp aıtty.
Saltanat Kenjebaı
