Qazaqstan • 26 Mamyr, 2022

Aqynǵa eskertkish qoıyldy

25 ret kórsetildi

О́zindik únimen, sýretkerlik qasıetimen tanylǵan Qosjan Músirepov az ǵana ýaqyt ómir súrse de, ádebıetke irgeli shyǵarmalarmen olja saldy. Názik ıirimderge toly nárkez novellalar jazýdyń da has sheberi bolǵan. «Joǵalǵan aq almas», «Jaryq dúnıe», «Namys», «Asylyq», «О́kinish», «Altyn anam», taǵy basqa da novellalary júrek qylyn shertedi, oqyrmanyn ıirimi tereń muńǵa oraıdy. Aqynnyń balalarǵa arnap jazǵan shyǵarmalary da zerttep-zerdeleýdi qajet etedi.

Aqynǵa qurmet, taǵzym retinde Túr­kis­tan oblysy Maqtaaral aýdanynyń ortalyǵy Myrzakenttiń jańa shaǵyn aýdanynda ornalasqan Qosjan Músirepov atyndaǵy jalpy orta mektepte eskertkish-bıýsti ashyldy. Nebári 35 jyl ǵumyr keship, qazaq ádebıeti kó­gi­nen juldyzdaı aǵyp ótken syrshyl aqyn eskertkishiniń ashylý is-sharasyna aýdan ákimi Baqyt Asanov qatysyp, ıgi is oqýshylarǵa úlken úlgi-ónege bolatynyn atap ótti. «Búgin 90 jyldyǵy atalyp ótip jatqan aqyn aramyzda bolmasa da onyń ǵumyryn óziniń shyǵarmalary, lırıkalyq jyrlary jalǵastyrýda. Sondaı-aq jańadan paıdalanýǵa berilgen 1 200 oryndyq Qosjan Músirepov atyndaǵy mekteptiń jańa ǵımaratynyń aldynda aqynnyń asqaq eskertkishiniń boı kóterýi – oǵan degen halyq qurmetiniń odan ári asqaqtaı túskenin kórsetedi», dedi Baqyt Nasyrhanuly.

Munan soń qoǵam qaıratkeri, belgili pýblısıst-qalamger Ákim Ysqaqtyń «Meniń Qos­janym» atty kitabynyń tusaýkeseri ótti. Kitaptan Qosjan Músirepov týraly mol maǵlumat taba alasyz. Qalamger týra­ly zamandastarynyń, úzeńgiles dosta­ry­nyń, áriptesteriniń, týǵan-týystary­nyń estelikteri kitap mazmunyn baıyta túsken. Sondaı-aq jınaqta aqynnyń dostaryna, aǵaıyn-týystaryna jazǵan hattary bar. Q.Músirepov atyndaǵy ádebı birlestik músheleriniń otyz bes jylda atqarǵan jumystary da osynda. Kitap «Qymbat ta qımas Qosjan», «Júrek kózimen», «Tarıh paraǵyn aqtarǵanda», «Aqyn shyǵarmalary» atty tórt bólimnen turady. Jınaqtan aqynnyń bir top óleńderi men novellalaryn da oqı alasyz. Is-shara barysynda aqynnyń kózin kórgen azamattar, jazýshylar, jýrnalıster, ardagerler estelikterimen bólisti. Sondaı-aq jıynnyń sońynda aqynnyń týǵan inisi Syrym Músirepuly aǵasynyń arýaǵyna baǵyshtap as berdi. 

 

Túrkistan oblysy

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar