Sport • 26 Mamyr, 2022

Eki belbeý sarapqa salynady

12 ret kórsetildi

11 maýsymda Almatyda aralas jek­pe-jekten Naiza Fighting Championship týrnıri ótedi. Bul jarysta atalǵan uıymnyń eki birdeı altyn belbeýi sarapqa salynady.

Atap aıtsaq, erler­diń jartylaı orta salma­ǵynda qazaqtyń qos óreni – Nurǵalı Nurǵaıyp­uly men Oljas Abzalıev aıqassa, áıelderdiń eń jeńil salmaq dárejesinde reseılik Valerııa Karygına men Dılshoda Ýmarova kúsh synasady.

Joǵaryda aıtylǵan kezdesýlerden bólek, sport súıer qaýym taǵy birneshe qyzyqty jekpe-jektiń kýási bolady. Solardyń biri jartylaı jeńil salmaqtaǵy reseılik Georgıı Popov pen qazaq jigiti Eljan Álıasqar arasynda ótedi dep kúti­lýde. 38 jastaǵy Georgıı – Saha Respýb­lıkasynyń týmasy. Osy kúnge deıin 18 márte oktagonǵa shyqqan ol 14 ret jeńiske jetti. Osydan úsh jyl buryn Popov UFC-de óner kórsetti. Biraq muhıttyń arǵy jaǵalaýynda onyń joly bolmady. Iаkýt sportshysy amerıkalyq Eddı Vaınlend pen ulybrıtanııalyq Deıvı Granttan jeńilgennen keıin áıgili promoýshen Reseı­diń ókilimen kelisimshartty uzartýdan bas tartty. Sońǵy kezdesýin Popov byltyr jaz­da Almatyda Serjan Saparǵalıevpen ótkizip, ony úshinshi raýndta uryp jyqty.

25 jastaǵy Eljan Álıasqar – taekvondodan qara belbeý ıegeri jáne pankratıon­nan álem chempıony. Bul ataqqa ol 2017 jyly Reseıdiń Sochı qalasynda qol jetkizdi. 2018 jyly qandasymyz Kazakhstan Fighter týr­nır­inde baq synap, fınalǵa deıin jetti. She­shýshi tusta Eljan qazaqtyń taǵy bir myqty óreni Elaman Shertaevqa ese jiberdi. Aralas jekpe-jekten barlyǵy 11 báseke ótkizgen Álı­asqar sonyń segizinde basymdyq tanytty.

Sondaı-aq sol keshte jerlesterimizden bólek, alys jáne jaqyn shet memleketterden kelgen taǵy birneshe tanymal sportshylar óz ónerlerin ortaǵa salady.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar